|
|
Бүген кемнәр туган
|
|
Архив
|
14.04.2016 Авыл
Бөгелмә басуында ашламаны "девятка" сибә (ФОТО)Әлеге могҗизаның авторы – Бөгелмә районы "Наратлы" җәмгыяте механизаторы Рифкать Галишин. Ул ашлама сиптерә-тарата торган "Роса" агрегатына яңача сулыш өргән. Хуҗалык инженеры Рамил Камиев берничә ел кулланылышта булмаган агрегатны төзекләндерү эшен Рифкать Галишинга тапшырганга сөенеп туя алмый торгандыр. Бер кыш эчендә Рифкать Галишин бу агрегатны эшкә яраклы хәлгә китерә. Чит ил двигателен һәм тапшырулар тартмасын "ВАЗ" автомобиленнән запас частьләр белән алыштыра, кабинасын "ВАЗ-2109" машинасыныкын алып куя. Катлаулы эштә аңа хуҗалыкның башка хезмәткәрләре дә – эретеп ябыштыручы һәм механизаторлар да булыша.
Шул ук көнне Рифкать Галишинга кыйммәтле бүләк тапшырылган. Шунысын да әйтергә кирәк: мондый техниканың яңасы 2 миллион сумнан артык бәяләнә, ди.
--- |
Иң күп укылган
|