|
|
Бүген кемнәр туган
|
|
Архив
|
11.08.2009 Мәгариф
УКЫЙМ ДИГӘН КЕШЕГӘ...Мәктәпкә җыеныр чак җитте. Бар да кирәк: өс-башы, алмаш-тилмәшкә кияргә аяк киемнәре, букчасы, аны тутыру өчен уку-әсбаплары. Балалары беренче сыйныфка баручы ата-аналарга башкаларга караганда да авыррак. Кесәңдә кимендә 4-5 мең сум акчаң булмаса, балаңны тулысынча мәктәпкә әзерлим димә. Чыгымлы, әмма ни генә дисәң дә, күңелле мәшәкать бу. Баланың белем алырга теләге булганда ата-ана акчасын кызганамыни? Уку әсбапларын да әллә каян базар буйлап эзләп йөрисе юк, тукталган җиреңнән барысын да берьюлы сатасың да аласың. Без укыган чорда нәрсә алып кайтсалар, шуңа риза идек тә, хәзер исә кирәк-яракны балалар үзе сайлый. Гади тышлы дәфтәрләр, көндәлекләр генә канәгатьләндерми аларны. Төрле сурәтләр төшкәне, үзенчәлеклесе булсын. Букчаларның да ниндиләре юк, рәхәтләнеп сайланырга була.
– Хәзер ата-аналар белем көне җитәр алдыннан гына түгел, кирәк-яракны август башыннан ук кайгырта башлый. Иң күп сатылганы – дәфтәрләр, кирәк булгач, башка әйберләрне дә алалар, – диләр Казанның Үзәк базары сатучылары.
Бәяләр исә түбәндәгечә: дәфтәр (калынлыгына карап) – 2-10 сум, көндәлек 35-40 сум, пенал – 30-40 сум, каләм – 5 сум, фломастер – 25-35 сум, буяу – 35-60 сум, линейка – 5-8 сум, пумала – 3-8 сум, җилем – 8-10 сум, бетергеч – 3-5 сум, альбом – 10- 40 сум, сызым папкасы – 40 сум, китап куйгыч – 50 сум, букча – 350 – 600 сум.
Болардан тыш, әле дәреслекләр кирәк булачак. Үзәк матбугат сентябрьдән аларның бәясе 2-3 мәртәбә кыйммәтләнәчәк, аны май аенда сатып алу кулай дип игълан иткән иде. Моның өчен уку елы тәмамланган вакытта укытучыңнан дәреслекләр исемлеген сорап алу кирәк. Мәктәпләр исә аны сентябрь башында гына хәбәр итә. Алдан сатып алынган өстәмә дәреслекнең кирәге чыкмавы да бар. Димәк, ата-анага укытучы кушкан кайбер дәреслекләр, өстәмә әдәбият өчен дә акча әзерлисе. Боларына гына түзәргә буладыр, чит илдәге кебек уку өчен түләтә башласалар нишләрсең.
P.S. Республика укучылары 1 сентябрьгә әзерләнә. Чаллыда уку кирәк-яраклары сатып алу өчен талон системасы керт-кәннәр. Матди ярдәм кү-ләме гаиләдәге укучылар саны һәм керемгә карап билгеләнә. Ул 2165 сумнан 4330 сумга кадәр булырга мөмкин. Акча шәһәр бюджетыннан бүлеп бирелгән. Һәр гаилә, үзенә уңайлы вакытта, "Детские товары" оешмасына барып, уку әсбаплары алып кайта. Бүгенгә андый мөмкинлектән 178 гаилә файдаланган инде. Аларга 506 мең сумлык хезмәт күрсәтелгән. "Мәктәпкә әзерләнергә ярдәм ит" акциясе кысаларында "КамАЗ" акционерлык җәмгыяте беренче класска укырга керүчеләргә 5200 букча бүләк итәчәк.
Сәрия САДРИСЛАМОВА |
Иң күп укылган
|