|
|
Бүген кемнәр туган
|
|
Архив
|
29.07.2009 Шоу-бизнес
КАСТИНГНЫҢ II ТУРЫ (ФОТО)28 июль көнне, "Татарстан - Яңа Гасыр" телевидениесенең зур студиясендә "Ерактагы йолдызым" фильмында төшәргә теләүчеләр арасында кастингның икенче туры узды. 17 июль көнне башланып киткән кастинг 300дән артык кешене җыйды. Жюри шулардан нибары 20 кешене генә сайлап алды. Бу юлы нәкъ менә алар көч сынашты. Фильмның режиссеры Нурания Җамали белдергәнчә, әлегә нәтиҗәләр ясау иртәрәк. Һәр потенциаль актерның чыгышы камерага язып алынды. Хәзер тасманы игътибар белән карап кирәкле кешеләрне сайларга кирәк.
"Ерактагы йолдызым" фильмы Халисә Ширмән сценарие буенча төшереләчәк. 2008 елда "Яңа Гасыр" телерадиокомпаниясе һәм "Татмедиа" агентлыгы үткәргән сценарийлар конкурсында нәкъ менә аның иҗат җимеше җиңеп чыкты. Мондый бәйге быел да булыр дип көтелә. Инде 3 ел дәвамында сценарийлар конкурсын көз көне үткәрәләр.
Сюжет буенча төп герой үги әни белән үсә. Мөстәкыйль тормышка аяк баскач, ул ныклы карарлар кабул итә алмый интегә. Гашыйк булса да, аның хисләре җавапсыз. Фильмны тамашачылар ноябрь айларында күрә алачак.
Өр-яңа татар фильмында кемнәр уйнаячак? Монысын тиздән белербез. "Татарстан - Яңа Гасыр" телевидениесе сайтын күзәтеп барыгыз!
Репетиция
Зөлфәт Зиннуров һәм Айгөл Әхмәтова
Раушат Ситдыйков һәм Рәмзия Гәрәева
Гүзәл Камалиева һәм Рамил Гыйләҗетдинов
Рафил Галимуллин һәм Гөлназ Якупова
Гөлшат Гайльметдинова һәм Булат Шәмсевәлиев
Камилә Алимова һәм Рөстәм Мәхмүтов
Эльвира Фазлыева
Эльмира Сәлимҗанова
Гөлнара Мулланурова һәм Камил Вафин
Рәмзия Гәрәева һәм Илдар Минһаҗев
Искәндәр Садретдинов һәм Эльвира Фазлыева
Жюри: Россиянең һәм Татарстанның халык артисты Әзһәр Шакир, "Яңа Гасыр" ТРК" ААҖ генераль директоры урынбасары Миләүшә Айтуганова һәм фильмның режиссеры Нурания Җамали
--- |
Иң күп укылган
|