|
|
Бүген кемнәр туган
|
|
Архив
|
03.12.2015 Җәмгыять
Татарстанда хәтерен җуйган әбине туңып үлүдән коткарганнарӘлмәт телекомпаниясенең бер хезмәткәре иртән эшкә килгәндә урамда юка киенгән әбигә игътибар итә. Өлкән яшьтәге ханым йокы күлмәге өстеннән кофта кигән, аякларында - өй чүәкләре. Сораштыра башлагач, әбинең өй адресын да, кая баруын да белмәве ачыклана. Журналистлар әбине телекомпания офисына алып керәләр, кайнар чәй эчертәләр, полициягә шалтыраталар. Участок уполномоченные редакциягә килеп җиткәнче, алар әбидән исем-фамилиясен әйттереп, адресын да ачыкларга өлгерәләр. Ул шул киемнән ничек урамга калган, кая барырга чыккан – әби берсен дә хәтерләми.
Шунысы да бар, ул үз йортыннан шактый ерак китәргә өлгергән. Полицейскийлар әбине өенә илтеп куя, дип хәбәр иткән “Әлмәт таңнары” басмасы.
--- |
Иң күп укылган
|