Чулпан Хамматова үз-үзенә кул салырга тырышып караган

Чулпан Хамматованың электән характеры катлаулы булуы, бигрәк тә яшүсмер чорда үз-үзенә кул сала язып әти-әнисен хафага салуы турында да яза, "OK!" журналы. – Мин дару төймәләре дә эчтем, үз-үземә кул салырга да тырышып карадым. Ә ни өчен алай эшләгәнемнең сәбәпләрен хәтерләмим, – ди актриса.

Чулпан үзе өч кыз үстерә, алар белән уртак тел табу якташыбызга шулай ук җиңелләрдән түгел. Ул психологиядән китаплар укып, үзенә файдалы якларын алып тормышта куллана икән.

– Юлия Гиппенрейтер китабын укыйм. Аннан балага һәрчак тыюны кулланмаска өйрәндем. Нәни балага иң биек таучыкка менәргә дә рөхсәт бирергә кирәк икән, ул аны үзенең зур җиңүе итеп кабул итәчәк, – ди бала тәрбияләүгә зур игътибар бирергә тырышучы Чулпан Хамматова.