• 26.04-09.06 "Тукай карашы" И. Майоров күргәзмәсе (Санкт-Петербург). Г. Тукай әдәби музее
  • 08.06-09.06 "Лето Балета" фестивале. УНИКС
Туган көннәр
  • 27 Май Рафис Җәмдихан
  • 27 Май Илдус Габдрахманов
  • 27 Май Әхәт Мушинский
  • 28 Май Шәриф Биккол (1924-1995)
  • 28 Май Илгәрәй
  • 28 Май Нурзадә
  • 28 Май Нур Баян (1905-1945)
  • 29 Май Роза Әдиятуллина
  • 29 Май Әбрар Кәримуллин (1925-2000)
  • 29 Май Әмир Камалиев
  • Кар базы бэрэнгесе сатыла Актанышта 89274846434
  • Кызыклы уку: http://www.proza.ru/2019/04/20/83 http://www.proza.ru/2019/04/29/84 http://www.proza.ru/2019/03/24/679
  • Натяжной потолоклар эшлибез. Светильниклар алыштырабыз. Пенсионерларга, яна ойгэ чыгучыларга скидкалар ясыйбыз. шалтырату очен телефон 3-25-26, 8-927-489-51-08, 8-950-947-00-40 Наиль Актаныш
  • Ботлап үгез ите сатабыз. 280 сумнан. Арча. Белешмәләр өчен телефон: 89534975861
  • Химчистка АВТО (Чистка сидений, Потолка, Багажника, Пола, Детских сидений) тел 8-927-041-05-62 АКТАНЫШ
  • Арча. Васильев Бужада 12 сутый җир сатыла. 89370045793
  • Татар телендә төрле дәрәҗә катлаулылыкта чыгышлар, докладлар язып бирәм яки тәрҗемә итәм. 89869257507
  • Казан шәһәре, Константиновка поселогында дача сатыла, 6 сот. 89370037412
  • 14R дисклы җәйге көпчәкләр сатыла. Яхшы хәлдә. 8мең.8655823885
  • Редакция тирәсендә эш эзлим. Белемем буенча югары белемле журналист. Журналист, текст басучы, корректор вазифаларын карыйм. Телефон: 89991574961

 

 

 
Архив
 

               

20.11.2015 Шоу-бизнес

Динә Гарипова Алсу Абелхановадан нәрсәгә рөхсәт сорамаган?

Тамашачы Алсу Әбелханованы «шырдый-бырдый» җырлауда гаепли алмый, һәр башкарган иҗат җимеше иләк аша иләнә. Консерваториягә укырга кергәндә, ул «Сак-сок» бәетен башкарган. Бүген дә, Татарстанны чит өлкәләрдә танытканда, 37 яшьлек җырчы авызыннан халык моңнары ургыла, ә татар эстрадасында аның үз репертуары.

– Алсу, сезне «хитлар патшабикәсе» дип атасам, һич арттыру булмас: «Сорама хәлләремне», «Мәхәббәтнең соңгы төне», «Пар алкалар», «Җаным»... Бер җырчыда бу кадәр хит ничек була ала?
– Җырчыны кайвакыт бер генә җыр җырчы итә, таныта һәм ашата. Минем популяр җырларым аз булмады, иҗатташ дусларым аларны күбесенчә бүләк итеп бирде. Соңгы елларда сатып алырга да туры килде, әмма андый җырлар ул кадәр хит булып китә алмады.
 
 
– Бер ел элек сезнең башкаруда «Аязым» җыры дөнья күрде. Аязым дигәндә кемне күздә тоттыгыз? Мәгънәсен төрле кеше төрлечә аңлаган икән бит...
– Татар егетләре арасында Аяз исемен йөртүчеләр күп. Әти-әниләр әлеге җырны үз балаларына багыш­ланган кебек кабул итә. Аяз исемле егетләр белән йөрүче кызлар да бу җырны сөйгән ярларына радио эфиры аша яңгыратуларын сорап бүләк итә. Җырның сүзләр авторы исә аязым сүзен «матурым», «кояшым», «сөйгәнем» кебек иркәләү мәгънәсендә кулланган. Күптән түгел тагын бер фикер ишетеп шаккаттым. Бер алып баручы мине «Ай, язым» дип җырлый, дип уйлаган, хәтта сценариена да шулай язып куйган. Кем ничек тели, шулай аңлый.
 
– «Голос» проекты җиңүчесе, Татарстанның атказанган артисты Динә Гарипова күп җирдә сезнең «Пар алкалар» җырын башкара. Ул  сездән рөхсәт сорадымы?
– Динәнең җырлавын бик яратам, тавышы да ошый, «Голос»тагы чыгышларын да дулкынланып күзәттем. Һәр җырчы өчен җыр бала кебек якын. Мин дә кайбер олы   артистларның җырларын бик яратам, әмма башкарырга теләсәм, рөхсәт сорыйм. Ризалык бирмәгән очраклар да була. Динә «Пар алкалар»ны, бу минем яраткан җырым, дип башкара. Без кайвакыт бер үк концертларда кисешәбез. Шуңа да ул минем репертуардан җырымны рөхсәтсез башкарырга тиеш түгелдер. Әдәп­лелек булырга тиеш. Ул шундый дәрәҗәгә җиткән икән, аңа үз репертуа­рын булдырырга, икенчедән, «Пар алкалар»ны, һич югы, аранжировкасын яңартып җырларга кирәк. Чөнки Динә минем аранжировкага кушылып җыр­лый. Ул 2002 елда эшләнде, тавышлары да искереп бетте. Мәскәүдә, чит илләрдә эшләгәч, рөхсәт сорап, матур гына эшләсә, дөресрәк булыр иде. Директорым аның белән матур гына сөйләште, әмма интернетта Динәнең «Пар алкалар»ымны башкарган видеолары һаман да чыга тора.
 
 
– Ашарга нәрсәләр пешерәсез?
– Ризыкларны тиз һәм тәмле пешерәм, әмма аш- су бүлмәсендә кайнашырга яратмыйм. Бөтен нәрсәгә дә вакыт җиткереп булмый шул. Ярдәмчем булса иде, дип уйлаган чак­лар да булгалый... Кием кибетенә йөрергә яратам. Азык-төлекнекенә керсәм, кирәк әйберне бәясенә карамыйча җыеп чыгам.
 
 
– Өегездә хайваннар бармы?
– Юк, мин йорт хайваннары алуга әзер түгел. Үз йортыбыз белән яши башлагач, эт алырбыз, дигән ният бар. Берсендә кечкенә улым Солтанны йок­латканда, аңа үзем уйлап чыгарып әкият сөйләдем. Имеш, бер малай әти-әнисеннән песи сорый, әмма тегеләр алып бирми. Малай песине яшереп кенә барыбер алып кайта, дидем. Шуннан соң, моны сөйләп, башыма бәла алганымны аңладым. Әкиятне сөйләп бетергәч, көтелгән сорау яңгырады: «Әни, син миңа песи аласыңмы?» Улым, әтиең белән сөйләшерсең, дидем.

– Ырымнарга ышанасызмы?
– Уңай һәм тискәре энергетикага ышанам. Әби-бабайлар кечке­нәдән үк кайбер ырымнарга ышануны сеңдергән, әмма үсә төшкәч, нәрсәнең нәрсә икәнлеген аңлыйсың бит. Дөрес, юлымны кара мәче кисеп үтсә, уңайсыз булып китә. Каршыма килгәнен күрсәм, читкә китәм, ә ул, гадәттә, юри минем арттан бара. Башка төстәге мәчеләр алай кыланмый. Өстәлгә тоз сибелсә, бисмилла әйтеп, өстенә шикәр сибәм дә сөртеп алам.
 
– Былтыр Австралиядә йөреп кайткансыз. Нинди максат белән барган идегез?
– Аделаида шәһәрендә узган Сабан туена чакырдылар. Көнгерәләрне күрдем, ашаттым, коалаларны тотып, фотога төштем. Австралия кешеләре табигать белән бергә яши. Бервакыт ресторанга ашарга кердек, шулчак диңгез мәчесе үтеп китте, пингвин­нар да чабышып йөри. Аларга тиюче дә юк, суга да беркем керми, акулалар эләктереп алырга мөмкин. Австралия татарлары бик дини, балалары да намазда. Сабан туе мәйданында үземне Татарстанның бер районында сыман хис иттем. заманында Австралия татарлары Кытайдан күчеп килгән, кыяфәтләре дә кытайларга тартым. Егетләре соңгы вакытта Татарстаннан матур кызларыбызны кияүгә алып китә. 

Линар ЗАКИРОВ
Шәһри Казан
№ --- | 19.11.2015
Шәһри Казан печать

comments powered by HyperComments

Фикерләр

▲ Өскә
 
Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Urazova.ru
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Түгәрәк уен
Татарстан китап нәшрияты
RAFINA/D
Милли Музей
Шаян
Ханский дом