Татарстан егете Төркиядә авариягә очраган Өмет хәлендә калган

Бөгелмә шәһәрендә яшәүче 24 яшьлек Артурның әнисе дә, якын туганнары да әнә шулай ди. Моннан өч ел элек килеп чыккан күңелсез хәл аларның гаиләсен пыран-заран китерә. Артурның сәламәтлегенә зыян килеп, ул бөтенләй урын өстенә кала. Егет Төркиядә юл һәлакәтенә очраган Өмет (телевидение тапшыруы аша, мөгаен, аны яхшы беләсез­дер – ред.) хәлендә.

“Энебез бик акыллы, олыларны хөрмәт итә белә торган, игелекле бала булып үсте. Аның авыр сүз әйткән, күңелне төшергән вакытын хәтерләмим. Булмады да ул. Менә хәзер аның күзгә карап, ярдәм сорап ятуы йөрәкне әрнетә”,– ди туганнан туган апасы Лилия Нуриева.

Артур хәрби хезмәтне дә үтәп кайта. Аңарчы мәктәпне тәмамлап, һөнәри белем алырга да өлгерә. Армиядән кайткач, эшкә керә. Матур гына яшәгәндә башы авыртудан зарлана башлый.

– Шуннан соң озак та үтмәде, улым аңын җуеп егылды. Тизрәк “ашыгыч ярдәм” чакырдым. Алар кан басымын үлчәп карадылар да, хастаханәгә терапевт янына барыгыз, дип китеп бардылар. Кичкә тагын шул ук хәл кабатланды. Ир­тәгесен түләүле клиникага невропатологка бардык, – дип сөйли әнисе Ләйсәнә ханым. – Табиб “аневризма” дигән диагноз куйды. МРТ нәтиҗәләре улымның башындагы кан тамырлары шартлаганын күрсәтте.

Тагын бер атнадан хастаханә палатасында улымның борыны һәм авызыннан кан китте. Шул вакытта аңа өч тапкыр инсульт булды. Бөгелмә табиблары безне Чаллыга күчерде. Күпме генә сорап карасам да, Казанга юллама ала алмадым. Әмма тырыша торгач, барып чыкты. Тик башкала хастаханәсенә эләгү өчен, улым­ның бозылган тәннәрен төзәтергә туры килде. Иң элек 4 ай буе яраларны дәваладык, аннары гына хас­таханәгә эләктек”, – ди ул.
Беренче елны нинди генә табиб­ларга күренмиләр. Тик алар бернинди дә өмет уятырлык сүз әйтми. Хәтта диагнозның нинди икәнен дә белүче булмый. Соңгы ике елда Артур бары тик өйдә генә ята. Бернинди дәвалану да алмый.

– Нәрсәгә тотынсак та, акчасыз булмый. Артурга массаж, дәвалау физкультурасы кирәк. Хәзерге вакытта апам да эшләми. Артурның 12 мең сум пенсиясенә көн күрә­ләр. Ләйсәнә апага улын караган өчен 1200 сум түлиләр ­түләвен. Тик ул нәрсәгә җитсен соң? Эне­безнең ярдәм сорап ятуын күргәч, ничек тә булышасы килә. Сау-сәламәт чагында булган дуслары, хәтта кайбер туганнар да әкренләп юкка чыктылар. Алар белән аралар өзелде. Хәер, авыру кеше кемгә кирәк булсын соң? Әни­сеннән башка беркемгә дә якын тү­гел шул ул. Районда табибларга кытлык. Невропатолог кил­гәнен ничә айлар көтәбез инде. Ник берәр табиб килеп хәлне белсен?! – ди Лилия ханым. – Артур сөйләшә дә алмый, әмма безне таный. Ашавы бары тик зонд аша гына. Ай саен катнашмалар алырга кирәк. Тәнен­дәге яралары азмасын өчен махсус матрас бирделәр. Караватын барыбер үзе­безгә алыр­га туры килде. Энем кебек авыруларны Гер­маниядә дә­валап була икән. Ул бик кыйммәт – 2 миллион сум сорыйлар. Анда бару түгел, республика хастахан­әлә­ренә яки тернәк­лән­дерү үзәк­лә­ренә дә эләгү мөмкин­легебез юк. Кая гына мөрәҗәгать итмә: “Инде соң, өч ел буе яткан авыруны дәвалап булмый”, – ди­ләр. Әле бит ул бик яшь. Өметебез бик зур безнең. Артурга ничек тә булышасы иде. Россия сәламәтлек саклау министрына хат юлладым, Татарстан сәламәтлек сак­лау министры Гадел Вафинга да бармакчы булам. Әллә ниләр сорамыйбыз. Һич югы сәламәтлеген бераз гына булса да ныгытыр өчен тернәкләндерү үзәк­ләренә юллама бирсеннәр иде, – ди ул.

Бәлки газета укучылар арасында Артурның язмышына битараф калмаучы табылыр. Андыйлар өчен исәп-хисап счеты:

КАРТА СБЕР БАНКА №
67619600 0360404157
ДЕЙСТВИЕ КАРТЫ ДО 07 .16
Получатель: МУХАМАДИЕВ
АРТУР РИНАТОВИЧ
ДЛЯ ПОПОЛНЕНИЯ СЧЁТА:
89093134125 – БИЛАЙН,
89196484727 – МТС