|
|
Бүген кемнәр туган
|
|
Архив
|
26.10.2015 Матбугат
Tatpressa.ru җитәкчесе 25 шәһәрдән 250 конкурсант катнашкан бәйгедә «VIP-персона» бүләгенә ия булдыКазан ратушасында «Рублевая зона» финанс журналистикасы конкурсының көзге сессиясе җиңүчеләрен бүләкләделәр. Җиңүчеләр 7 төп номинация буенча бүләкләнде. Искәртеп үтик: май ахырында Сочида «Рублевая зона» төбәк финанс журналистикасы конкурсының язгы сессиясе узды. Анда Россиянең 25 шәһәреннән 250 дән артык заявка бирелгән иде. Проектның төп максаты - журналистларны махсус белемнәрен күтәрергә этәргеч бирү, шулай ук финанс тематикасын яктырткан төбәк ММЧ ның иң яхшы вәкилләрен билгеләү. Ул вакытта иң яхшы 8 эш буенча бүләкләделәр.
Көзге сессиягә заявкалар 17 июньнән кабул ителә башлады. Ике ай дәвамында оештыру комитеты Красноярск, Екатеринбург, Казан, Чиләбе, Новосибирск, Томск, Сыктывкар, Калуга, Түбән Новгород, Ростов-на-Дону, Уфа, Краснодар бизнес-журналистларыннан заявкалар кабул итте.
Көзге сессиядә 150 дән артык массакүләм мәгълүмат чарасы катнашкан. Бүген Казан ратушасында җиңүчеләр һәм лауреатлар исемнәре игълан ителде. Тантаналы бүләкләү чарасында конкурс партнеры вәкилләре дә катнашты, алар исәбендә "Татар-информ" мәгълүмат агентлыгы да бар.
Эксперт жюри тавыш бирү нәтиҗәләре буенча "Бизнес ФМ" (Чиләбе) радиостанциясе иң яхшы төбәк радиостанциясе дип танылды, ә "Эфир24" иң яхшы төбәк телеканалы яки интернет-телевидениесе дип белдерелде.
Иң яхшы төбәк финанс ММЧ - «Краснодар» журналы (Наталья Паранина); иң яхшы иҗтимагый-сәяси эшлекле ММЧ - Калуганың "Весть" газетасы (баш мөхәррире Юрий Расторгуев); иң яхшы төбәк интернет-ММЧ - Воронежның «Абирег» бизнес-мәгълүмат агентлыгы(Татьяна Карабут); ММЧ да финанс базары турында төбәк махсус проекты - Томскиның «Ваши личные финансы» журналы (Наталья Волкова); иң яхшы төбәк аналитик ММЧ - Улан-Удэның «Байкал финанс» МА (баш мөхәррире Алексей Субботин).
Барлык җиңүчеләргә һәм лауреатларга «Рублевая зона» төбәк финанс журналистикасы конкурсы җиңүчеләре сертификаты һәм истәлекле бүләк - рубль пыяла сыны тапшырылды.
Бүләкләү тантанасында берничә махсус бүләк тә бар иде. Мисал өчен, Tatpressa.ru порталы җитәкчесе Данил Сәфәров «VIP-персона» махсус бүләген алды. Махсус приз хуҗасына конкурс партнерлары чараларында катнашу мөмкинлеге бирә.
Җиңүчеләр рәсми төстә игълан ителгәч, барлык катнашучылар ресторанга кичке бәйрәм ашына чакырылды.
Максим КИРИЛОВ |
Иң күп укылган
|