|
|
Бүген кемнәр туган
|
|
Архив
|
23.10.2015 Җәмгыять
Рөстәм Миңнеханов һәм Владимир Мединский Казанда беренче велосипед маршрутын ачты (ФОТО)Бүген Татарстан башкаласында Казан Кремле янында «Гаҗәеп Казан» велосипед маршрутын рәсми рәвештә ачу тантанасы узды. Тантанада Татарстан Республикасы Президенты Рөстәм Миңнеханов һәм Россия Федерациясе Мәдәният министры Владимир Мединский, Татарстан Республикасы Премьер-министры Илдар Халиков, шулай ук шәһәрнең велосипед клубларының күп санлы вәкилләре катнашты. Искәртәбез, әлеге проект Россия Мәдәният министрлыгы тарафыннан мәдәни-танып белү өчен җәяүлеләр һәм велосипед маршрутларын оештыру проектларының бөтенроссия конкурсы кысаларында бирелгән акчалата грант буенча гамәлгә ашырылган. Казан шәһәре башлыгы урынбасары Евгения Лодвигова билгеләп үткәнчә, проектны әзерләгәндә берничә төп шарт исәпкә алынган: велосипед маршруты боҗра рәвешендә булырга, иминлек таләпләренә туры килергә һәм тарихи биналар һәм шәһәр скверлары тирәсеннән узарга тиеш. Быел 5 км озынлыктагы кече боҗра салынган: Казан Кремленнән алып «Черек күл» паркы кырыеннан Казансу елгасы яры буена кадәр. Төп маршрут 28 км булачак.
Тантананы ачып, Владимир Мединский ассызыклаганча, бу – Россиянең тарихи шәһәрләрендә җәяүлеләр һәм велосипед туризмын үстерүнең яңа федераль программасы кысаларында гамәлгә ашырыла торган беренче велосипед маршруты.
Ул әлеге туризм төрен үстерү өлкәсендә Казан тәҗрибәсе илнең башка шәһәрләрендә дә кирәк булыр дип ышаныч белдерде.
Рөстәм Миңнеханов искәрткәнчә, велосипедчылар өчен аерым юллар кору турында сөйләшүләр күптән алып барылган. Ул билгеләп үткәнчә, әлеге проектны гамәлгә ашыру Россия Федерациясе Мәдәният министрлыгы һәм шәхсән Владимир Мединский ярдәмендә мөмкин булган. «Федераль үзәк безнең күп кенә проектларны хуплый. Сүз Казан турында гына бармый, - диде Рөстәм Миңнеханов. – Бүген борынгы Болгар шәһәрен, Свияжск утрау-шәһәрен, Чистай шәһәренең тарихи үзәген үстерәбез».
«Бүген без шәһәребез буйлап ничек йөрергә мөмкин икәнлекне күрсәтәчәкбез», - диде ул.
Танатнадан соң мәртәбәле кунаклар беренче Казан велосипед маршрутын шәхсән сынап карадылар. 1 нче Май мәйданыннан старт алып, Рөстәм Миңнеханов, Владимир Мединский һәм Илдар Халиков Ленин бакчасына кадәр бардылар. Аларны монда Татарстан Республикасы Президенты ярдәмчесе Наталия Фишман каршы алды. Ул Россия Федерациясе Мәдәният министрына мәдәни микроскверлар проектын тәкъдир итте, алар Казанда 2016 елда төзелә башлаячак, дип хәбәр итә ТР Президенты Матбугат хезмәте.
ТР Президенты Матбугат хезмәте фотолары.
--- |
Иң күп укылган
|