поиск новостей
  • 28.03 "Ак чәчәкләр кебек..." Кариев театры,18:30
  • 28.03 "Җан Баевич" Тинчурин театры, 18:30
  • 29.03 "Рөстәм маҗаралары" Кариев театры, 13:00
  • 29.03 "Кияүләр" Тинчурин театры, 18:30
  • 30.03 "Кәҗүл читек" Кариев театры, 11:00
  • 30.03 "Тапшырыл...ган хатлар" Кариев театры, 18:00
  • 30.03 ПРЕМЬЕРА "Флешка, рэп һәм мәхәббәт"Тинчурин театры, 13:00 һәм 17:00
  • 31.03 "Шәй-бу, шай-бу" Кариев театры, 18:00
  • 31.03 "Өч аршын җир" Тинчурин театры, 17:00
  • 02.04 Хан кызы Турандык. Тинчурин театры, 18:30
  • 03.04 Гомер буе сине көтәм. Тинчурин театры, 18:30
  • 04.04 Кияү урлау. Тинчурин театры, 18:30
  • 05.04 Гастрольләр: Тайна замка на холме. Хакасский национальный драм.театр. Тинчурин театры, 11:00 һәм 13:00
  • 05.04 Гастрольләр: Ханума. Хакасский национальный драм.театр. Тинчурин театры, 18:30
  • 06.04 Гастрольләр: Мастер и Маргарита. Хакасский национальный драм.театр. Тинчурин театры, 17:00
  • 07.04 Гастрольләр: Мелодия коралловых бус. Хакасский национальный драм.театр. Тинчурин театры, 17:00
  • 09.04 Җилкәнсезләр. Тинчурин театры, 13:00 һәм 18:30
  • 10.04 Синең хакта… Тинчурин театры, 18:30
  • 11.04 Ядәч! Исемдә! Бер гаилә трагикомедиясе. Тинчурин театры, 18:30
  • 12.04 Флешка, рэп һәм мәхәббәт. Тинчурин театры, 18:30
Бүген кемнәр туган
  • 28 Март
  • Ренат Әюпов - режиссер
  • Фирүзә Җамалетдинова - язучы
  • Артур Поляков - мәдәният хезмәткәре
  • Гиоргий Куприянов - дәүләт эшлеклесе
  • Вил Мәһдиев - көрәшче
  • Никах, юбилей,Туган кон,балалар бэйрэмен,торле кичэлэрне алып барабыз.8-4кэ хэтле шалтыратта аласыз.89393453961
  • Чистаидан иорт сатып Алам чистаинын узенэн 89274905164
  • 1 булмэле фатир моселман гаилэсенэ озак вакытка арендага бирелэ ЖК Салават купере. Собственник ( риелтор тугел!!!)89509488227.
  • Сдается 2-х комнатная квартира по ул. Ф.Амирхана порядочной семье на длительный срок. В квартире есть мебель, рядом остановка, магазины, рынок. Только граждане РФ без животных!!! 8-965-584-66-30 собственник.
  • Продаю листы нержавейки 530х630, толщина 3,5мм, запчасти на УАЗ.тел 89178553159.
  • Коттедж төзэргэ кирэк казанда минэм номер 89274905164
  • Баян сатыла. Казан. Тел.:89003238614
  • татар теленең аңлатмалы сүзлеге сатыла, 3 томда, Казан, Татарстан китап нәшрияты, 1981 ел. тел.8 919 647 47 91
  • Казанда оч булмэле фатирнын залына тэртипле кыз эзлим. Бигичев урамы. Риелторсыз 89600347300
  • Исэнмесез! Бенто тортларга hэм капкейкларга заказлар кабул итэм! Казан шэhэре. 89377708700 Динара.
Архив
 
08.06.2009 Матбугат

РИНАТ БИЛАЛОВ: “ГАЗЕТА УKУЧЫ ӨЧЕН ЯЗАРГА ТИЕШ”

Ринат Билалов журналистика өлкәсендә билгеле шәхес. Вакытында Чаллыда “Аргамак” журналында, аннары “Восточный экспресс” газетасында мөхәррир булып эшләде. Урыс матбагасы булса да, тематикасы ягыннан татарга якын булды ул. Аннары тиражы төшеп беткән “Молодежь Татарстана” “арбасын” тартырга тәкъдим ителде аңа. Ринат Билалов коллективы белән басмага җан өрергә тырышты, газета шактый яңарды. Аннары мөхәррир эшеннән китеп барды.

Берара югалып торганнан соң, Ринат әфәнденең интернетта “Бизнес-онлайн” газетасын оештыруы билгеле булды. Сайт аз вакыт эшләүгә карамастан, шактый кулланучыны үзенә җәлеп итә алды. Аларда чыккан эксклюзив материалларга таянып, башка басмалар да эш итә башлады. Татар журналистикасына җитеп бетмәгән икътисадый, сәяси материалларны көнендә, сәгатендә хәбәр итеп баралар, “Бизнес-онлайн”да мөхәррир үзе дә бик актив яза. Ринат БИЛАЛОВ белән  милли журналис­тика торышы, татар интернет газеталарының перспективалары, татар теле турында сөйләштек.

 

–  Ринат Вәгыйзович, Татарстандагы милли журналистиканың торышын ничек бәяләр идегез? Татар матбугатына нәрсә җитеп бетми һәм аның нинди өстен яклары бар?

 

–  Әле үзгәрешләр чоры. Мо­ңа кадәр лидер булганнар үз позицияләрен югалта бара. 90 нчы елларда иске басмалар урынына яңалары пәйда булды, аннары телевидение газета-журналларны читкә этәрде, хәзер инде аны интернет җи­ңә бара. Татар журналистикасы да шул юлдан китәр дип уйлыйм. Ләкин әлегә бу процесс бик сүл­пән. Сер түгел, татар матбугатының төп укучысы авыл җирендә яши. Бу аудитория белән яхшы тиражлар җыеп булыр дип уйлыйм. Ләкин  газета укучы “яшә­рә”, 30-40 яшьтәге­ләр басма мәгъ­лүмат чараларын укымый. Алар өчен  телевидение, ин­тернет кулайрак.

 

Республикада чыккан татар гына түгел, урыс газеталары да кем өчен язганнарын төгәл аңлап бетерми шикелле. Бу бигрәк тә бюджеттан финансланган матбугатка кагыла. Журналист мөхәррир, мөхәррир түрә­ләр өчен эшли, ә нәтиҗәсе юк. Билгеле, аудиториянең теләген, кызыксынуын тоеп яза белергә кирәк. Мәсә­лән, бер генә татар басмасы да эш­лекле кешеләр өчен мәгъ­­лүмат бирми. Язу авыр икән, һичьюгы аны тәр­җемә итеп була бит. Яисә тагын да киңрәк аудиторияне җәлеп итү өчен хатын-кызларга тә­гаенләнгән басмаларны чит ил аналоглары кебек чыгарырга мөмкин. Күңел ачу журналистикасы татарда көчле дип саныйм. Җитди­лек­не дә, “сары”лыкны да бергә кушып, урталык таба белүчеләр бик аз. Хәер, үз аудиторияңне табу татарга гына түгел, урыс басмаларына да җиңел бирелми. Шу­ңа күрә бу бары тик татар журналистикасының проблемасы дип әйтмим.

 

Шулай да, татар укучысы үзенчәлекле, аның менталитеты башкача. “Восточный экспресс” газетасында эш­лә­гәндә “Татарский век” проектын алып бардык. Бик күп татар журналистлары, бас­ма мөхәр­рирләре белән аралашырга туры килде. Сөйләшкән вакытта татарлар аерым бер мәгълүмати “гетто”да  яшиләр дигән фи­кер туа иде. Та­тар журна­лист­ларында үз­лә­рен киртә­ләп яшәү хисе бар. Минемчә, бу тамырдан дө­рес түгел. Иң мө­һиме – хәбәр кызыклы, актуаль булсын. Татарда шактый уңышлы проектлар бар. Мәсәлән, мәгълүмат агентлыгы ролен үтәүче “Азатлык” радиосы сайты. Һәрвакыт аларны кызыксынып карыйм, укыйм. “Матбугат.ру” сайтын билгеләр идем. Әл­бәттә, моны журналистика дип атау бик үк дө­рес түгел, ләкин бер урында берьюлы иң кызыклы материалларны уку мөмкинлеге әлегә башка юк.

 

– Татар матбугатында дәүләт һәм шәхси басмалар шактый. Дәүләт басмалары тарафыннан соң­гылары еш кына “сары матбугат” дип тәнкыйть­лә­нә, аларның бернинди дә социаль әһәмиятләре юк, бер көнлек кенә дип сү­ге­лә. Ничек уйлыйсыз – шәх­си газеталар булу начар күренешме?

 

– Әгәр бүген татар газеталары зур тиражлар җыя икән, алар бары тик мактауга лаек. Бу беренче чиратта безнең милләт яши, туган телендә газета-журналлар яздырып укырга сәләтле дигән сүз. Мәсәлән, Калмыкия, Карачай-Черкессиядә туган телендә газета укучы юк, милли журналистика бик түбән дәрәҗәдә, шәхси матбагалар чыкмый.

 

Иң төп күрсәткеч – тираж. Укучы үзе теләгән газетаны сатып ала. Аннары шәхси матбагалардагы журналистика бик оператив, актив. Вакыт барысын да тәртипкә салыр дип уйлыйм. Чаллыда “Знамя коммунизма” дип исемләнгән газета 75 мең тираж белән чыга иде. Аннары бервакыт “Челны ЛТД” дип исем­ләнгән шәхси газета пәйда булды. 8 битле бас­маның 4 полосасында ТВ программа, ә калган өлештә игъланнар, кыска хәбәрләр иде.  Бүген “Чел­ны ЛТД” 50 мең тираж белән чыга, ә “Знамя коммунизма” юк. Укучы үзенә ошаган басманы сайлады. Нинди генә өл­кәне алсак та, ки­ләчәк эшмәкәрлектә. “Татмедиа”ның да ачык акционерлык җәм­гыятенә әверелүе юкка тү­гел. Базар ысуллары белән эшләргә кирәклеген барысы да аңлый.

 

– ТР Дәүләт Советында узган коллегиядә Фәрит Мөхәммәтшин “Ватаным Та­тарстан”, “Республика Та­тарстан” газеталарын та­гын тәнкыйтьләде, “Тираж җыя алмыйсыз”, дип шелтә белдерде. Бу мәсьәләне анализлап, укучыга аңлаешлы итеп ачып бирү­че бердәнбер “Бизнес-онлайн” булды. Мә­каләдә әгәр хөкүмәт ар­тык басым ясамыйча ирек бир­сә, бу газеталар, бәл­ки, тираж җыяр иде дигән фи­­кер җиткерелә. Сезнеңчә, “Ватаным Татарстан”, “Рес­публика Татарстан” укучыларга кызыклы, зур тиражлы булып чыксыннар өчен нишләргә кирәк?

 

– Беренчедән, бу газеталарның төп максатлары, вазыйфалары билгеләнмәгән. Әйе, тәнкыйть ителә, шел­тәләр дә объектив. Ләкин га­зета коллективлары өстә уты­ручыларның алардан нәр­сә теләвен аңлап бетерми. Әлегә кадәр бер тапкыр да бу газеталарга карата төп вазыйфаларын, максатларын аңлаткан кеше булмады. Түрәләр бары тик газета яхшырсын дип теләк белдерә. Бу газеталарның югары тираж җыюын телиләр икән, эшләү ысулы башка бу­лырга тиеш. Гомумән, әлеге басмаларның тиражлары зур булу кирәкме соң?!

 

Миңа калса, бу газеталар күбрәк эшлекле журналистикага тартым булырга тиеш. Аларның потенциаль аудиториясе – дәүләт кешеләре, җитәкчеләр. Билгеле, мондый укучылар болай да күп мәгълүмат ала, шуңа да аларны  башка җирдә булмаган, чыкмаган яңалыклар белән тәэмин итәргә кирәк. Бәлки, ниндидер рәсми хә­бәрләргә ачыклык керткән, аналитик материаллар бастыру зарур. Җитди газетаны күп кеше укымый. Берничә мең укучысы булса да яхшы. Аерым катлам кешеләренә тәгаенләнгән газеталардан гигант тираж җыеп газаплау дөрес түгел. “Ватаным Татарстан”, “Республика Татарстан” коллективлары бик четерекле ситуация­дә. Бер яктан тираж дип тарт­калыйлар, икенче яктан түрәләр нәрсә язарга кирәк­леген өйрәтеп тора. Кайбер Русия төбәкләрендә, Европада дәүләт бернинди массакүләм мәгълүмат чарасын да финансламый. Әгәр ниндидер фәрманны яисә шә­һәр, хакимият башлыгы бе­лән әңгәмәне бастырырга тиешләр икән, алар тендер уйнатып, халык арасында по­пуляр булган шәхси газетага акча түләп,  кирәкле материалны чыгара. Ләкин моңа безнекеләр бармаячак, дәүләт үзенең басма ор­ганын тотарга күнеккән, аның үз тарихы, гореф-га­дәтләре бар. Шуңа да мондый модель буенча эшләүгә якын киләчәктә ирешеп булмас дип уйлыйм.

 

– Сез җитәкләгән “Бизнес-онлайн” интернет газетасы бик кыска вакытта үзе­нә зур аудитория җәлеп итә алды. Моның сере ни­дә? Сезнең сайтка керүчеләр еш кына “Моның артында хөкүмәт торамы-юкмы?!” дип баш вата. “Биз­нес-онлайн”ны Рөс­тәм Миңнеханов финанслый дигән сүзләрне дә ишетергә була, ләкин сайт­та Татарстан хөкү­мә­тенә таш аткан материаллар да чыккалый.

 

– Биредә бер ел дә­ва­мын­да хезмәт куям. “Молодежь Татарстана”да мөхәр­рир булып эшләп йөргән вакытта гариза язгач, хез­мәттәшләрем мине бик үк аң­лап бетер­мәде. Барысы да яхшы кебек, утыр да эш­лә, ә Билалов тотты да ниндидер булмастай интернет газетага китте дип гаҗәп­ләнделәр. Интернет журна­листика без­нең өчен яңа күренеш, ә яңалык һәрвакыт кызык, үзенә җәлеп итүчән. 90 нчы елларда журналистика факультетында укыган чакта КДУның 2 нче корпусында бер бүлмәдә “Эфир” телекомпаниясе утыра иде. Ә хәзер ул зур холдинг. Шул вакытта алар аудиториянең тиз мәгълүмат алу ихтыяҗын канәгатьләндерә белде. Кешеләргә оператив мәгъ­лүмат кирәк. Интернеттан башка тиз хәбәр тарату белән бүген радио гына сынаша аладыр. Проектның уңышлылыгы аның оператив мәгълүмат бирә алуында һәм бәйсез булуында.

 

Сайт артында кемнәр то­ра дигәннән, гамәлгә куючылар исемлегендә билгеле шәхесләр юк. “Бизнес-онлайн” берничә кеше тарафыннан финанслана, про­ект­ның киләчәге барлыгын аңлап, алар бу эшкә үз акчаларын тотты.

 

Интернет газетаның берничә өстен ягы бар. Типо­графия чыгымнарыбыз, почта белән проблема юк. “Бизнес-онлайн” антикризис про­­екты буларак оештырылды. 2007 елда ук илнең икътисадый торышында ниндидер үзгәрешләр көтеләчәге билгеле иде. Шуңа да безнең газетаның төп темасы – ул икътисадый кризис. Бө­тен көчкә эшли башлаган ва­кытта кризис көн кадагы темасына әверелде. Халыкны куркытырга теләмибез, ба­ры тик аларны объектив мәгълүмат белән тәэмин итү үзмаксат булып тора. Бүгенге вәз­гыятьне, җил кайсы якка искәнен аңлатырга, ни­ләр булырга мөм­кинлеге хакында фаразлар бирергә тырышабыз. Мондый мәгъ­лүматка ихтыяҗ бар дип саныйм.

 

Соңгы яртыеллыкта чыккан газеталарга күз салсаң, шуны билгеләргә мөмкин: икътисад, аңа кагылышлы хәбәрләр, мәкаләләр бастырган матбагалар укучыларын бик аз югалтты. Аннары “Бизнес-онлайн”ның популярлыгы арту укучыларның актив катнаша алуына бәйле дип уйлыйм. Сайтта эленгән хә­бәр­ләр, мәкалә­ләр, интервьюлар астында һәр кеше үз фикерен, комментариен язып калдыра ала. Безнең дошманнарыбыз да, якын дусларыбыз да юк. Үзебезне чыннан да бәй­сез интернет газета дип саныйбыз. Лә­­кин кемгәдер каршы чыгып, сугышырга ди­гән максат та куймыйбыз. Әгәр хө­күмәт яхшы гамәл башкарса, язабыз, хаталы карар кыла икән, бу турыда да дәш­ми кала алмыйбыз. Безнең максат – оператив рәвештә объектив мәгълүмат бирү.

 

Коллектив зур түгел, үзем дә актив язам. Без һәрвакыт онлайн режимында, әгәр вакыйга якшәмбе була икән, шул ук көнне аны язып элеп куябыз. Вакыйгалардан арт­та калмаска тырышабыз. Гыйнвардан укучыларыбыз саны ике тапкырга үсте. Һәр көн безне 2500 тирәсе кеше укый, ләкин бу чик тү­гел.

 

Гомумән, соңгы арада ин­тернет массакүләм мәгъ­лү­мат чараларының популярлыгы көн­нән-көн үсә. Санкт-Петербургтагы “Фонтанка.ру” исем­­ле шәһәр газетасын көн саен 50-60 мең кеше укый. Яисә Чиләбе өлкә­сен­дә “74.ру” интернет ресурсы белән дә көч сынашырлык конкурентлар юк. Бездә дә мондый процесс бар. Элек мин дә иртән бер кочак газета карый идем, ә хәзер яңалыкларны интернеттан укыйм. Әлбәттә, бу басмалар бөтенләй юкка чыгачак дигән сүз түгел. Кино барлыкка килгәч, халык театрга йөрүдән туктамады. Кайбер кеше яңалыкны интернеттан укырга яратмый.

 

–  Сезгә гомумән татар журналистикасы кызыкмы?

 

–  Вакытым кысан булса да, татар журналистикасындагы вакыйгалардан хәбәр­дар булырга тырышам, кү­зәтәм. Татар басмалары минем өчен ят түгел. Гаиләдә озак еллар дәвамында “Сө­ем­бикә”не алдырдык. Әти хәрби кеше булганга күрә, чит илдә яшәдек, ләкин анда да татар газеталарыннан аерылмадык. Әнием бездә яши һәм татар басмаларын яздырабыз. Күпчелек татар газета-журналларының мө­хәррирләре, журналистлары белән танышмын, аралашабыз һәм анда булган вакыйгалар минем өчен кызык, хәтта борчылам.

 

–  Мәсәлән, Сезгә ниндидер татар газетасын яи­сә сайтны җитәкләргә, аны яхшы сыйфатлы ресурс итеп булдыру эшен тәкъ­дим итсәләр, тотыныр иде­гезме?

 

–  Күз алдына китерү авыр­рак, ләкин  кызыклы тәкъдим. Тик менә коллектив белән уртак тел таба алырмынмы-юкмы, шунысы сорау тудыра. Үзе татарча язмаган килеш безне өй­рәтеп утыра дип әйтергә мөм­­кин­нәр. Әл­бәттә, тел белмәү мондый тәкъ­димнән баш тарту өчен принципиаль сәбәп түгел. Бары тик телнең кайбер нечкәлекләрен сизми калырга мөм­кинмен, ә эшләү технология­се аңлашыла, темалар да уни­версаль. Дөресен әйт­кәндә, бу турыда бер дә уйлаган юк. Әгәр нин­дидер кызыклы тәкъдим булса, ник уйлап карамаска?

 

–  Сезне кайбер татар әсәрләрен урысчага тәр­җемә итеп караган шәхес дип беләм...

 

–  Күпләр килешмәс, лә­кин, минемчә, әдәбият вакыты узды. Ул заман кешесен мәктәптә, университетта бе­лем алганда үзенә җәлеп итә аладыр. Шул вакытта гына әсәрләр күпләп укыла. Ә гади тормышта урамда очраклы рәвештә ун кешедән: “Соңгы тапкыр кайчан һәм нинди китап укыдың?” – дип сорасаң, “Укымадым” дигән җавап күбрәк булачагына иманым камил.

 

Бүген мәгълүмат заманында әдәбият үзенең 15-20 ел элек булган әһәмиятен югалта бара. Без зур тизлек заманында яшибез, саллы әсәрләр укырга вакыт юк. Мәсәлән, урыс классик әсәр­­ләре дискларда сатыла. Ник безгә дә шуны булдырмаска? Татар телен аңлаган, лә­кин укый белмәгән кеше­ләр шактый, аларга әсәр­не тыңлау җиңелрәк. Машинада барганда ниндидер әсәрне тыңлау уңайлы. Урысчага тәрҗемә ителгән татар клас­сик әсәр­ләрен барысын да диярлек укыдым. Шуны онытмаска ки­рәк: тәрҗемә­дә телнең тәме ким дигәндә 40 процентка югала.

 

–  Татарстанда татар теленең кулланылышы турында күп сөйләнә. Урыс теле белән беррәттән чын-чынлап дәүләт теле буларак үсә алмавына сукранабыз. Гади халык арасында телгә карата ихтыяҗны ничек булдырырга дип баш ватабыз. Менә Сез үзегез татар телен белсәгез дә, урысча сөйләүне кулайрак күрәсез. Татар теленең бү­генге торышының сәбәп­ләрен нидә дип саныйсыз?

 

–   Сәбәпләр күп. Без 90 про­цент мәгълүматны урыс телендә  алабыз. Бу рәвешле телне саклап калу, аңа ихтыяҗ арттыру авыр. Мә­сәлән, кабель, спутник телевидениесе булган очракта да кеше иң күбе “ТНВ”, йә булмаса, ДТРК “Татарстан”, бәлки, “БСТ”ны карый ала. Ләкин киноны ул барыбер “ТНТ” яисә “Россия” кана­лын­нан караячак. Мәгълү­мат ташкыны бик зур, кеше аңа эләгеп, башка тел мохитен­дә кайный. Бу бигрәк тә шә­һәрдә яшәүчеләргә кагыла. Шул ук вакытта, Минтимер Шәймиев әйтмешли, ә кем туган телдә сөй­ләшүне, газеталар чыгаруны тыя? Әл­бәттә, федераль үзәктән дә безне чикләргә тырышулар бар. Ләкин күп нәрсә үзебездән тора. Гаиләдә ата-ана балалары белән туган телдә сөйләшә, аларны татар телендә уйларга, фикерләргә өйрәтә икән, моны бер нәрсә белән дә җуеп булмаячак. Телгә ихтыяҗ ту­сын өчен күбрәк сыйфатлы мәдәни, мәгълүмати продукция чыгарырга кирәк. Менә моның белән бездә проблема. Энтузиастлар бар, ләкин аларның көче җи­теп бетми.

 

Телнең куллану-кулланылмавы өчен дәүләт тә җаваплы булырга тиеш. Менә Казанга чит ил брендлары килеп үз бизнесын ача, еш кына алар биредә икетеллелек икәнен белми калалар, гап-гади итеп “Телләр турындагы закон”ны аңлатып бирүче дә юктыр, мөгаен. Ләкин бер әй­берне төгәл әйтә алам: шәхси инициатива көче дәү­ләтнекенә караганда куәтлерәк. Мәсәлән, “Мин татарча сөйләшәм!” акциясе. Бу гамәл дәүләт ор­ганнарыннан шелтәләр белдереп, татар теленә негатив караш аударып, мәҗбүр итү­гә караганда күбрәк нә­тиҗә бирә алуына шикләнмим.

 

Миңа килгәндә, озак еллар чит илләрдә яшәгәнгә күрә, телем бераз аксый. Лә­кин тел мохите бар проблеманы хәл итә дип уйламыйм. Хатыным – Себер татары, аларның туган авылы тирәсендә 60 километр ераклыкта бер генә дә татар авылы юк. Шулай булуга карамастан, телләрен онытмаганнар. Казанны карар, татар концертын тыңлар өчен спутник тәлинкәләр урнаштыралар. Тел мохите булмаса да, татар теленә, мәдәниятенә ихтыяҗ зур. 

 

Безнең халык авыр язмышлы. Ләкин ул бик мобиль, әллә нинди җир­ләргә барып җитә, төрле өлкә­ләр­дә хезмәт куя. Икътисад ягыннан да бик актив, акча эшли белә, бер урында гына утырмый татар. Заман кешесе үсәр­гә тели икән, ул бүген берничә тел белергә тиеш. Идеаль вариант – татар, урыс, инглиз тел­ләрен камил белү. Моңа өстәп төрек, гарәп телен бел­сә, кеше югалмаячак. Бу – төрле җирдә үзеңне ирекле, ки­рәк­ле санар өчен мөһим. Лә­кин шул ук вакытта глобалист булудан куркырга ки­рәк. Безнең кеше телен оныткан очракта да милли үзенчәлеген, менталитет принципларын югалт­мый, ул әхлагы белән дә башкалардан аерылып тора. Дәүләте булмаса да, сакланды. Татарда яшәү дәрте бар. Бәл­ки, кайчак Универсиадалар уздырып арттырып та җи­бәрәбездер. Ләкин кайсы милләт тагын мондый амбицияле эшкә алына?!


Римма БИКМӨХӘММӘТОВА
Ирек мәйданы
№ 22 | 05.06.2009
Ирек мәйданы печать

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Ирек мәйданы
Татарстан яшьләре
Кариев театры
Идел
Өмет
Татарстан китап нәшрияты
Милли Музей
Шаян
Татаркино
Ханский дом
Татар телен һәм ТР яшәүче халыклар вәкилләренең<br />туган телләрен саклау, үстерү мәсьәләләре комиссиясе
«Элита»