|
|
Бүген кемнәр туган
|
|
Архив
|
27.09.2015 Шоу-бизнес
Зөфәр Хәйретдинов рекламада төшеп машина алган?!ТР халык артисты, композитор Зөфәр Хәйретдинов бер машина рекламасы ролигында төшкән. Җырчының рекламада катнашуы республика халкында машинага карата кызыксыну уяту максатын күздә тота. Зөфәр әфәндегә рекламада төшкән өчен акча түләнгәнме, әллә машина бүләк ителгәнме? Бу хакта җырчының үзеннән сорадык. – Кибет хуҗалары рекламада төшәргә тәкъдим итеп мөрәҗәгать итте. Мин исә "машина ошаса гына төшәм" дидем. Барып карадым, машиналары шәп! Ул, чын мәгънәсендә – яңа заман автомобиле. Рекламада төшкән өчен акча түләмәделәр, әмма отышлы шартларда машина алдым, – диде Зөфәр әфәнде Intertat.ru хәбәрчесенә. Әлеге машина аңа сатып бирелгәнме, бүләк ителгәнме - анысын җырчы сер итеп калдырды. Реклама ролигы Зөфәр Хәйретдиновның "Пар алма" җырына төшерелгән. Ролик ТВ экраннарына агымдагы елның ахырында чыгар дип көтелә. Бүгенге көндә җырчы гаиләсе белән "Алтан" бистәсендәге йортларында яши. "Улым Зөлфәтнең малае быел беренче сыйныфка укырга керде. Кызлары Ясминәгә 2 яшь тула, Алла боерса. Тиздән өченче тапкыр дәү әти булыга җыенам. Кызыбыз Зилә декабрьдә бәби алып кайтачак, Алла теләсә. Иҗатым да алга таба бара, яңа җырлар иҗат ителә", – дип сөйләде безгә Зөфәр Хәйретдинов.
--- |
Иң күп укылган
|