Түбән Новгородта «Инглиз»ләр токым биргән

Узган елда Т.Новгород өлкәсе Кызыл Октябрь районы Каргада уңышлы гына эшләп килгән “Яфәс” фермерчылык хуҗалыгының эшчәнлеге, дөресрәге, КФХ үрчетә башлаган Герефорд ит токымлы туарлар белән танышып кайткан идек. Быел алар токым биргәннәр.

Бу турыда безгә Кызыл Октябрь районы авыл хуҗалыгы идарәсенең баш зоотехнигы Рафек Аймалетдинов шалтыратып әйтте һәм бозауларны карап кайтырга тәкъдим итте.

Узган елда Т.Новгород өлкәсе Кызыл Октябрь районы Каргада уңышлы гына эшләп килгән “Яфәс” фермерчылык хуҗалыгы Герефорд ит токымлы туарларын үрчетә башлады. Быел алар токым биргәннәр. Бу турыда безгә Кызыл Октябрь районы авыл хуҗалыгы идарәсенең баш зоотехнигы Рафек Аймалетдинов (фотода) шалтыратып әйтте һәм бозауларны карап кайтырга тәкъдим итте.

Узган елда хуҗалык җитәкчесе Яфәс Абдуллин дүрт дистәдән артык тана һәм токымлы үгез сатып алган иде. Гомумән, туарлар санын ике йөз башка җиткерергә ниятләнә фермер. Терлек каралтылары да, бүтән уңайлыклар да, җитештергән про¬дукцияне реализацияләү юллары да күптән булдырылган инде. Менә көтелгән беренче токым да бар.

Герефордлар быел да Печә хуҗалыгының җәйге лагеренда урнашкан. Узган елдагыча көтүлек “электрон көтүче” белән чолгап алынган. Без килүгә, терлекләр рәхәт кенә болын буйлап ашап йөри иделәр. Хәер, безнең төбәктә болыннар киң, азык күп. Англиядә барлыкка килгән бу туарлар салкын һава торышына бик чыдамлы, кышларын алар ачык кардада да яши ала икән, азыкка да таләпчән түгелләр.

- Күрәсезме, нинди матур бозаулар. Апрель аеннан башлап, 30 башка артты инде көтү. Карагыз, бу туарларның холкы тыныч, кая куасың, шунда баралар, - диде Рафек әфәнде герефордлар янына барып. - Суыкка чыдамлы “инглиз”ләр бозауларын кыргый хайваннарча үз яннарында үстерәләр, гади сы¬ерныкылар кебек аерым асрарга кирәкми. “Яфәс”некеләр дә кардада, ачык һавада бозаулады¬лар. Аллага шөкер, һәрберсе сау-исән һәм бу токымга хас булган үзенчәлеклеләре - тиз симерәләр (күз генә тимәсен иде). Тәүлеккә, болын үләме белән генә туклансалар да, килограммнан артык артым бирәләр. Яшь герефордларга, әлбәттә, үлән генә ашатылмый. Бай рацион белән төрле кушылмалар да, витаминнар да бирәләр. Сусыл азыкны да, фуражга игенне дә КФХ үз җирләрендә үстерә. Барлык аграр технологияләрне кулланып җитештергән уңыш, гадәттәгечә, мул була. Димәк, туарга ашатырга да, сатарга да кала. Октябрь ахы¬рына ярты тоннага кадәр үсәргә тиешләр бу бозаулар, - дип сөйләде районның баш зоотехнигы.

Яфәс Хәсән улының бу тәвәккәл адымы башкаларга да үрнәк булсын иде, дигән теләктә калган идек һәм шулай булды да. Рафек әфәнде сүзләре буенча, районда тагы да берничә фермер ит токымлы терлек белән кызыксына, ә “Кызыл яр” хуҗалыгы җитәкчесе Марат Саберов бу өлкәдә беренче адым да ясаган инде.