Comedy Club резидентлары Казанга концерт белән килә

7-8 август көннәрендә, Су спорты төрләре буенча дөнья чемпионаты кысаларында, Казанда Aqua Comedy Club концерты узачак. Чара Чемпионатның мәдәни программасының бер өлеше булып тора.

Резидентлар Казан өчен махсус яңа программа әзерли. Ул Су спорты буенча дөнья чемпионаты форматын исәпкә алып төзелә. Aqua Comedy Club концертында тамашачылар игътибарына спорт темасына бәйле кызыклы юмористик номерлар тәкъдим ителәчәк.

Концертта Comedy Club резидентларының төп составы: Павел Воля һәм Гарик Харламов, Тимур Бәдретдинов һәм Демис Карибидис, Андрей Скороход һәм Руслан Белый, Зураб Матуа һәм Андрей Аверин, Дмитрий Сорокин һәм Марина Кравец, Алексей Смирнов һәм Антон Иванов, шулай ук Илья Соболев чыгыш ясаячак.

“Comedy Club – Росиядә әлеге жанрдагы иң популяр проекттыр, мөгаен. Аның концертлары алда торган Чемпионатның мәдәни программасын тагын да баетып җибәрәчәк. Comedy Club резидентлары позитив энергия тарату, күңелне күтәрү белән бергә, сәламәт яшәү рәвешен дә пропагандалый. Аларның барысы да актив рәвештә спорт белән шөгыльләнә. Яшьләрнең кумиры булган Comedy Club резидентларының әлеге спорт чарасына теләктәшлек күрсәтүе һәм аның мәдәни программасының бер өлеше булып торуы безнең өчен зур әһәмияткә ия”, - ди “Спорт проектлары башкарма дирекциясе” коммерцияле булмаган автоном оешмасы генераль директоры урынбасары Михаил Зотов.

Концертка билетлар сатыла башлады инде. Comedy Club юморын яратучыларның барысын да 7-8 август көннәрендә 20.00 сәгатьтә “Баскет-холл” спорт комплексында көтеп калалар.

Билетларга заказ бирү:
www.ZaMnoi.ru
+78435100400

Кайнар линия телефоны:
+7 (927) 406-24-74