|
|
Бүген кемнәр туган
|
|
Архив
|
21.05.2015 Җәмгыять
“Гаилә һәм мәктәп” журналы хәйрия акциясендә катнашырга чакыра1 июнь – Балаларны яклау көне уңаеннан редакция хезмәткәрләре республиканың Казандагы махсуслашкан балалар йортына барырга җыена. Ямашев урамына урнашкан әлеге балалар йортында әти-әниләре баш тарткан, төрле авырулары булган 4 яшькәчә нарасыйлар тәрбияләнә. Араларында ВИЧ-инфекцияле балалар да бар. "Кызганыч, әмма ачы дөреслек – бу балаларны тәрбиягә алырга теләүчеләр дә бик сирәк. Әлеге балалар йортына 70 ел тула икән, 1945 елның маенда ачылган булган. Болар турында белгәннән соң, балалар йортында тәрбияләнүче сабыйларның тормышына аз булса да ямь өстисебез килде: барып, балаларга яңа киемнәр таратачакбыз, төрле уеннар уйнатып, мастер-класслар үткәрәчәкбез. Бу нарасыйларга изгелек эшлисегез килсә, Сез дә безгә кушыла аласыз. Яңа киемнәр сатып алу өчен 28 майга кадәр акча җыю игълан ителде", - ди "Гаилә һәм мәктәп" хезмәткәрләре.
Тулырак мәгълүмат алырга теләүчеләр өчен:
Руфия Фазылова, тел. 222-06-02, 8927 434 92 02,
Декабристлар ур., 2, 7нче кат, “Гаилә һәм мәктәп” журналы редакциясе.
Изгелекне бергәләп эшлик!
--- |
Иң күп укылган
|