7 айлык Камил Камаловка ашыгыч ярдәм кирәк

Чаллыда яшәүче 7 айлык Камил Камаловка ашыгыч ярдәм кирәк. “Кияүгә чыккач та, бәби алып кайту теләге белән яна башладым. Әмма 3 елдан артык вакыт узды, балага уза алмадым. Шул чакта табибларның, балаң була алмый, дигән сүзе дә туктата алмады мине. Бары тик Ходайга ышандым һәм Аңа ялвардым”, – дип сөйли Анна.

Аның догалары кабул була. Озакламый Анна үзенең авырга узганын белә. Йөклелек чоры авыр уза, бала төшү куркынычы да була. Әмма үҗәт ханым баласын табарга дигән уйдан кире кайтмый. Ничек итсә итә, баланы 33 атнага кадәр күтәрә ала.

“Баштарак Камилнең авырлыгы нормага җиткәнче хастаханәдә яттык. Аннары барысы да әйбәт кебек булгач, өйгә кайттык. Бәхете­без ташып тора иде. Баланың төн­лә елауларын да, эче авыртуын да шатлык белән кичердек. Кечке­нә балалар еламыйча гына үсмәс, дип үзебезне юаттык”, – ди ул. Ә күп­тән түгел 6 айлык Камилнең өя­нәкләре башлана. Әнисе, баласын алып, тизрәк хас­таханәгә юл тота.

– Менә шул чакта табиблар Ка­милгә “Эпилепсия. Синдром ВЕСТА” дип диагноз куйдылар. Алар ярдәм итә алмаячакларын да яшермәделәр. Камилдә авы­руның катлаулы төре икән. Шуңа күрә аңа бары тик чит илдә генә ярдәм итә алачаклар, – ди Анна. Ул баласының авыру тарихын чит ил табибларына юллаган инде. Ә алар ярдәм итә алачакларына ышандыралар икән.

“Камилдәге кебек авыруларны кечкенә вакытта дәваласаң, нәти­җәсе була икән. Көтеп алган сабыем бит ул минем. Без сынауларны үтәргә әзер. Тик улым гына исән-сау булсын, сәламәтләнсен иде. Балабыз белән мондый хәл килеп чыкканны белгәч, туганнарыбыз, дусларыбыз читтә калмады. Ирем Айрат та, баланың сәламәт­леген ныгытыр өчен, көн-төн эшли. Ял иткәне дә юк. Баланың өянәк­ләре булган саен дару биреп торырга кирәк. Барысын да сатып аласы. Кечкенә генә булса да, Камилнең көненә 6 тапкыр өянәге кузгала. Бу вакытта аңа карап, йөрәгем әрни. Ничек кенә теләсәм дә, балама ярдәм итә алмыйм. Сабыеңның күзеңә карап ярдәм соравын күрүдән авыр нәрсә юк шул. Чит илгә барып кайтыр өчен, юл чыгымнарына без акчаны үзебез җыя алдык. Камилне дәвалауга 576 мең сум кирәк булачак. Бар өме­тебез – мәрхәмәтле кешеләрдә генә. Бәлки, газета аша Камилнең язмышы турында укып, ярдәм итүче табылыр.

Андыйлар өчен реквизитлар:
 
Яндекс деньги: 410013094730342
QIWI-кошелек: 7-927-041-55-93
Paypal: Anastasia-fil@mail.ru
Webmoney: R2354020095585. Евросеть,
карта Кукуруза: 5331 5724 3815 4954, срок действия до 01.2021
На мобильный телефон, оператор Билайн: 8 960 061 41 04
Реквизиты карты для зачисления в рублях:
Получатель: Камалова Анна Сергеевна
Счет получателя: 40817810362000328888
Банк Получателя: отделение № 8610 Сбербанка России г. Казань
БИК Получателя: 049205603
Корр счет: 30101810600000000603
Назначение платежа: пополнение счета