• 06.12-11.12 «Һөнәр» XI Бөтенроссия яшь режиссура фестивале.
  • 11.12-12.12 Элвин Грей. КРК "Пирамида"
  • 13.12 Айдар Рәкыйпов концерты. УНИКС. 18:30
  • 15.12 Ришат Төхвәтуллин. КСК "Уникс". 17:00
  • 16.12-20.12 Данир Сабиров концерты. КСК "Уникс"
  • 02.01-03.01 Нәфкать Нигъмәтуллин концерты. Филармония. 19.00.
  • 14.02-23.02 Мунча ташы. Кырыкта да кызыкта. КСК "Уникс"
  • 29.02-09.03 Фирдус Тямаев. Ялгыз торна. КСК "Уникс"
Туган көннәр
  • 10 Декабрь Гариф Гомәр (1891-1974)
  • 10 Декабрь Ринат Мөхәммәдиев
  • 10 Декабрь Светлана Сабирова
  • 10 Декабрь Марсель Бакиров
  • 11 Декабрь Габдулла Шамуков (1909-1981)
  • 11 Декабрь Искәндәр Сираҗи
  • 11 Декабрь Мансур Сәгъдиев
  • 11 Декабрь Зиннур Нурмөхәммәтов (1941-2003)
  • 11 Декабрь Азат Садриев
  • 11 Декабрь Вәгыйз Минһаҗев
  • Продаётся 2хкомнатная квартира в центре Казани в Вахитовском районе. 110кв.м, черновая. Дом сдан, заселен. Собственник. Тел 89053163640 или ватсап. Риелторов прошу не беспокоить.
  • Казан шәһәре, Адоратский урамындагы 55 йортта 1 бүлмәле фатир арендага бирелә. 89063204796
  • Тамада. Хәләл мәжлесләр алып барам. Арзан. Телефон: 89274894564
  • Речной техникум тирэсендэ 20яшьлек тэртипле,акыллы егеткэ снимать итеп яшэргэ булмэ кирэк иде. 89375212889
  • Байлар Сабасында ике бүлмәле фатир сатыла.Хәбәрләшү өчен телефон: 89274458736
  • “Светлый” ЖК (Куюки) 1 бүлмәле фатир озак вакытка гаиләле кешеләргә тапшырыла. 3 этажлы өйдә 1 катында. 49 кв.м. кирәкле җиһазлар бар.Индивидуаль җылыту.Парковка өй янында.90 номерлы шәһәр автобусы йөри. 10000 сум+ ком.услуги. тел.89393932099
  • Моселманнарга общагада булмэ арендага бирэбез. 89509488227.собственник.
  • Продается кирпичный дом в с. Старый Варяш, Муслюмовского района. т.8 917 928 31 75
  • Казанда сатам шифоньер,бэясе сейлэшу буенча. 89173931425
  • Продаётся двухкомнатная квартира в Актаныше. Телефон 8-917-907-73-79.

 

 
Архив
 

               

22.04.2009 Җәмгыять

АДАШКАННАР

Төбәкләрдә, шул исәптән Казанда да хәзер секталар күбәйгәннән-күбәя. Алар үзләре: “Без секта түгел, ә дөрес юлдан баручылар”, – диләр.

Наилә апа белән автобуста таныштык. Башына яулык бөркәнгән бу ханым санаулы минутлар эчендә иң якын сердәше белән аралашкан шикелле, үзе турында барысын да сөйләп бирде. Бердәнбер улы үлгән икән. Ире белән аерылган. Мәктәптә җыештыручы булып эшли. Сүз үзеннән-үзе дингә күчте. “Менә бу китапны калдырыйм әле. Без Изге Язмаларны ныклап өйрәнәбез. Һәр якшәмбе җыелабыз, кил, күреп кит”, – дип Наилә апа үзенең кәрәзле телефон номерын да бирде. 

 

Кардәшләр

 

Кемнәр алар?  "Изге язмалар"ны өйрәнүчеләр? Нигә очраган бер кешегә моның кадәр калын, шактый сыйфатлы китапларны бушлай өләшәләр? Шимбә көн кичен Наилә апага чылтыратып, якшәмбе көнне Маяковский клубында очрашырга сүз куештык. (Алар шушы клубны арендага алалар икән).

 

Мин килгәндә җыелыш башланган иде. Наилә апа урам якка ук чыгып каршы алды. Йөзе, шатлыктан сабый балаларныкы шикелле балкый. “И, рәхмәт яусын, килдең, әйдә-әйдә”, – дип залга алып кереп китте. Сәхнәдә бер егет вәгазь сөйли иде. Залда йөзләп кеше утыра. Араларында хатын-кызлар күбрәк. Яшьләр, балалар да бар. (Соңгылары әниләренә ияреп килгән). Бер якка чукрак-телсезләр утырган. Аларга ишарәләр ярдәмендә икенче бер егет нәрсә сөйләнгәнне аңлатып бара. Егетнең вәгазен бик игътибар белән тыңлап утырдым. Берни аңламадым. Бертуктаусыз: “Йәһвә ризалыгы өчен”, – диләр. Ул да булмады, барысы бергә торып басып җырларга керештеләр: “Синең исемең белән Йәһвә...”

 

– Хәзер икенче бүлек башлана. Сорауларга җавап булачак, – диде Наилә апа.

 

Чынлап та, вәгазь укыган  теге егет залда утыручыларга сораулар бирә башлады.

 

– Без вәгазьләгән территориядәге кешеләр ваемсыз булса, нәрсә эшләргә?

 

Егерме яшьләр тирәсендәге сөйкемле кыз кулына микрофон алып җавап бирде:

 

– Күп кенә кешеләр гаилә тормышларын яхшыртырга тели. Алар шулай ук тормыш максатын да эзлидер. Без андый кешеләргә патшалык турындагы яхшы хәбәрне йөрәкләренә үтеп керердәй итеп сөйләргә тиешбез.

 

– Шәкертләр булдыру эшендә шатлыгыбызны арттырырга нәрсә ярдәм итәчәк?

 

– Алар белән үзләре телендә сөйләшеп.

 

Бу җавапны башына яулык бөркәнгән ханым әйтте. Сорауларга җавап шул рәвешле сәгатьтән артыкка сузылды. Гел татарча гына сөйләшәләр. Һәм бер-берсенә һәрчак елмаеп, апа, абый, кардәш дип эндәшәләр.

 

– Монда татарлар гына җыелганмы? – дим Наилә апага.

 

– Әйе, күбесе татарлар. Урысларның җыелышы безнекеннән соң була, урыс телендә.

 

– Алар да шул кадәр кеше җыеламы?

 

– Юк, аларда өч йөзләп кеше. Иншалла, без дә шулай күбәербез. Әле узган ел илле кешегә дә тулмый идек, хәзер йөздән арттык.

 

Монда килергә нәрсә этәрде?

 

Җыелыш тәмамланганнан соң яныма берничә хатын-кыз килде: “И-и, безнең арада яңа кардәш бар икән”, – дип елмаеп сөйләшәләр, хәл сорашалар. Урамда бу сөйкемле ханымнарны очратсам, бигрәк ачык йөзле кешеләр дип уйлар идем. Танышып киттек. Галия апа унсигез яшьлек кызы, егерме яшьлек улы белән килгән. Ялгызы гына яшәүче Мәдинә ханым бергә эшләүче хезмәттәше белән.

 

– Монда килергә нәрсә этәрде соң сезне? – дип сорыйм алардан.

 

– Җан тынычлыгы таптым, – ди Мәдинә ханым.

 

– Яшәүнең кадерен, тормышның ямен күрәсең, – диде Галия апа. – Балаларым да нык үзгәрде. Элегрәк балалар белән бер-беребезне бик аңламый идек, хәзер киресенчә, бер җан булып яшибез.

 

– Ә ни өчен мәчеткә бармыйсыз, намазга басмыйсыз?

 

– Минем тормыш, яшәү мәгънәсе турында меңләгән сорауларым бар иде. Һәм монда килгәч шул сорауларның барысына да җавап таптым. Тормыш мәшәкатьләре чүп кенә булып калды. Минем өчен хәзер яшәүнең башка кыйммәтләре бар. Мәчеттә мине аңламаслар иде, – диде Мәдинә ханым.

 

– Аңлавымча, сез Библиягә таянасыз. Чиркәүдәге шикелле басып җырлыйсыз, намаз укымыйсыз. Сез христиан динендә булып чыгасыз түгелме соң?

 

– Ходай бер генә. Без алай диннәргә бүленмибез...

 

Шул вакыт Галия апа сүзгә кушылды:

 

– Юк, сеңлем, син аңлап бетермисең. Без бит чукынмыйбыз. Әгәр якшәмбе саен монда килсәң, аңлар идең. Җан тынычлыгы табар идең.

 

Шул рәвешле озак итеп бу ханымнар үзләренең “җан тынычлыклары” турында сөйләделәр. Тик кызганыч, алардан якыннары баш тарткан диделәр. Берсенең ире ташлап киткән, икенчесе туганнары белән аралашмый, өченчесе эштән киткән.

 

Миңа тагын беричә китап бирделәр. Шуларны укысаң, бөтен сорауларыңа җавап табарсың диделәр. (Китаплар татар телендә). Укып-укып карадым – бернәрсә аңлашылмый. 

 

“Без бөтен дөнья буйлап таралдык”

 

Вәгазь сөйләүче егет егет Казанга Свердловскидан командировкага –  лекцияләр укыр өчен махсус килгән икән.  Равил исемле, егерме алты яшьтә.

 

– Ә сез ни өчен мөселманнарга христиан динен өйрәтәсез? – дип сорадым Равилдән.

 

– Без бит мәҗбүри өйрәтмибез. Кешеләр үзләре килә, димәк аларга шул кирәк. Христиан динен өйрәтәсез дигән сүзегез белән килешмим. Ислам, будда диннәренә дә таянабыз.

 

– Ләкин бит һәр диннең үз кыйбласы, үз кануннары?

 

– Ходай бер бит.

 

– Сез сектачылармы?

 

– Юк, әлбәттә! Аңламаган кешеләр секта дип әйтер, тик бу һич кенә дә алай түгел. Без бөтен дөнья буйлап таралган. Австралия, Германия, Америка, Израиль, Литва, Польша һәм башка дистәләгән илләрдә кардәшләребез яши. Бер-беребез белән аралашып, хәбәрләшеп яшибез. Елдан-ел сафларыбыз яңа кардәшләр белән тулылана.

 

Җыелыштан чыгучы хатын-кызларны, ир-атларны күзәтәм. Йөзләрендә елмаю. Нигә шатланалар, ул китапларда язылган сүз боткасын укып нәрсә аңлыйлар?! Ни өчен шуңа ышаналар?! Күрәсең, тормышта башка юанычлары калмагандыр аларның...

 

Китапларны җыеп, “Әниләр” мәчетенә бардым. Газинур хәзрәт аларны карап чыкканнан соң болай диде: Бу китапларда барлык диннәрдән нәрсәдер алынган. Моңа ышанучылар, гадәттә, ялгыз, башкалар йогынтысына тиз бирелүчән кешеләр. Монда мәчетләрнең дә гаебе бар, димәк, тиешенчә эшләмибез. Кешедә мәгълүмат аз. Шуңа күрә бөтен юк – барга ышана. Коръәнне укып караган кеше, беркайчан ул юлга басмас иде".

 

Руфия РӘХМӘТУЛЛИНА
Татарстан яшьләре
№ --- |
Татарстан яшьләре печать

Фикерләр

Исем:
E-mail:
Текст:
 
№19 (17593) / 28.04.2009 19:25:10

Ахрызаман җиткән чакта,
Дин юллары күбәер.
Адашканар гел адашып,
Җен артыннан иярер.
Гади кеше тәмле сүзгә,
Эреп китә май кебек.
Тик динсезләр кора хәйлә,
Соңыннан,тора көлеп . З.Ә.

№18 (17227) / 24.04.2009 17:55:36

Шљшле, бу язма белэн "Татарстан яшьләре"ндәге фотода журналистка секта вэкилэре биргән китаплар курсәтелгән иде, исемнәре дә язылган иде, тик хэтерлэмим хэзер.

№17 (17214) / 24.04.2009 14:24:00

Исем реклама булмасын аталмаган.

"БГ"да аналитика балкыз, рәхәтлән укып.

№16 (17213) / 24.04.2009 14:10:13

слабо язылган. даже сектаның исемен дә беләлмәгән журналист. таак нельзя! аналитика юк, бардым-күрдемне язалар да котылалар!

№15 (17212) / 24.04.2009 14:05:15

Кадерле укучы,

Миңа калса, реклама булмасын дип исем аталмаган.Руфия: “ Ник татарлар андый җирләргә йөри, ислам дине әһелләре ник йоклый, апаларыбыз, балалырыбыз рухи эзләнүдә бит!” - дип әйтәсе килгәне миңа аңлашылды.Шөшле ярата торган хис , бәлки җитеп бетмәгәндер хискә бирелүчәннәр өчен. Но миңа шөшлеггә ошаган хис тулы, әмма фикерсез әйберләр ошамый.

№14 (17211) / 24.04.2009 13:49:46

Укучы, "Мунча ташы" театрынын ТҮШен тэшкил иткен..."
Кара хәрефле җирен укымаган идем, ай-яй...Р. Шәяхмәтова - чын талант, минем әле моңа кадәр берәр актриса турында "Ул - театрның түше" дигән нәрсә укыганым юк иде. Нишләп алай яратмады икән Р.Ш. ул актрисаны? Алай дисән, чыннан да, син хаклы, чөнки "түш" ул алай ук начар түгел, башка төшләр белән чагыштырганда...



Кая, сайтларына кереп язып чыгыйм әле...

№13 (17201) / 24.04.2009 12:27:01

Шљшле, ул кешеләрнең исеме - "Свидетели Иеговы". Ишеккә звонок биреп, әйдәгез, дин турында сөйләшәбез дип килүчеләр - нәк шулар булыр. Автор кем турында язганын аз гына да белешеп карамаган икән - бу бик зур хата. Халык аларның кем икәннәрен белергә тиеш. Иеговачылар инде 150 ел буе тиздән ахырзаман булачак, шуңа әзерләнергә кирәк дип, халыкның башын бутап йөриләр. Соңгысы 1975 елда билгеләнгән булган шикелле. Шундый ялганнар тараткан өчен аларны бөтен җирдән куалар, шуңа да алар чын исемнәрен яшерәләр. Иеговачылар христиан түгел дип әйтү - ялган. Алар бары тик тәре һәм хачларны гына танымыйлар.Калганы барысы да христианнарча. Бу апаларның миләрен бераз эшкәртеп алгач, аларны һичшиксез чукындырырлар. Халык шуларны белмичә тозакка эләгә. Ә болай башка зыяннары юк, шикелле.
Шундый кешеләр өегезгә килсәләр, ишекне бикләп, хәзер чыгам дип кереп китегез и башка ишекне ачмагыз.

№12 (17190) / 24.04.2009 10:14:18

Тотыш! Укучы буларак, минем дэ Р. Шаяхметованын узене бер сорау туды бит эле. "Мунча ташы"театрынын тушен тэшкил иткен...", дип яза автор. Ул театрнын арты кемнерден гыйбарэт икен сон?! Шунысы анлашылмады.

№11 (17185) / 24.04.2009 09:31:58

Тотыш,
бу икенче автор бит.
Руфия мәкалә буларак әйбәт язылган. Анализ күренә.Башкаларга карама.Бу өлкәдә бертөрле уйлап булмый.

№10 (17183) / 24.04.2009 09:03:01

"Мунча ташы", гафу итегез

№9 (17182) / 24.04.2009 09:01:48

Шљшле, ник алай каты кагыласың син аларга? ))) Йөзләгән кеше аңласа да, йөз дә беренчесе менә аңламаган. Бар нәрсәне дә аңлап булмый инде ул. Бер журналистлары үзенең бер елдан югары белем алачагы турында язган иде. Шундый рәхәтләнеп язган - бер елдан минем дипломым булачак дип. Мин дә рәхәтләнеп, бер елдан бу әйбәтләп яза башлый инде, дипломы булачак бит, дип уйлап куйдым. Диплом алу турында хыяллану ул бик уңай әйбер. Р.Шәяхмәтованың да дипломы бардыр инде. Соңгы интервьюында, чөнки, бик матур сораулар биргән "Мунча ташлары" актрисасына.

Мәсәлән: "Укучыларны иң кызыксындырган сорау - шәхси тормышыгыздыр, мөгаен."

№8 (17171) / 24.04.2009 01:01:51

Бу мэкалэдэн сон тау-тау сорау оелде.
Секта пропагандалаучы дин ничек атала? Христиан дине тугел, берничэ динне кушып ясалган чуп-чарнын да исеме булырга тиештер бит?
Журналист туташ-ханым татарча китап икэнен язган, эмма ул китап ничек аталганын сер итеп калдырган. Исеме?
Анын каравы, клубнын или "секта"нын кая урнашканын язган журналист... Ник? Пропагандамы? Рекламамы? Бэлки автор узе шул сектагы пиар ясап ятадыр?
"Мића тагын беричђ китап бирделђр. Шуларны укысаћ, бљтен сорауларыћа ќавап табарсыћ диделђр. (Китаплар татар телендђ). Укып-укып карадым – бернђрсђ аћлашылмый." - йозлэп кеше анлаганны ничек бер автор гына анламаган? Тем более татар телендэ язылганны.
Бу сектага барып кайтачакмын. Бик зур кызыксыну тудырдыгыз, рэхмэт.



№7 (17147) / 23.04.2009 18:28:12

Ю.: Тәки иренмисең син һәрберсенә подробно язып барырга.Синең язмаларны укыгач, үземне иң надан кебек хис итә башлыйм, комплекс неполноценности хасил була (неполноты түгел, ансы таман , аллага шокер)Каян килә ул шулкадәр аек фикер бер башка.
И.: Юлиана, хәбәрдарлык - ул интеллект түгел. Комплексларыңнан арын, алар чынлап булсалар. Син дә хатын- кыз интеллекты бик көчле.
Боларны укыгач, биредә җыен юк-бар игланнарга "Койма" бар, ә бер-береңне туйганчы камплиминт әйтергә "Мактау тактасы" нигә юк, дигән ризасызлык фикере туды.

№6 (17134) / 23.04.2009 16:03:36

Иркә, мин , хатын-кызлар ирләргә оттыра дигәнең белән килешә алмыйм.Кияүгә чыккач хатын-кызда бик көчле артистлык сәләте ачыла-ул берьюлы ир, балалар, ирнең туганнары, особенно бианай (каенана)дигән кешеләр белән килешеп яши башлый.Разве ирләр моңа способны.Моңа өстәп әле аның күз күрмәгән җиргә кияүгә чыгып, чит кешеләр белән килешеп яшәвен дә өстәсәң...Ә чын акыллы ирләр барлык ирләрнең 40 проценттан да артыгы түгел.(бусы интуицияме, интеллектмы, белмим,но иманым камил, моны укыган һәркем мине үзе турында язган дип аңлаячак, но зря..)

№5 (17121) / 23.04.2009 14:11:44

Юлиана, Иркенен "сочинение"сын тержеме итеп бире алмассыз микен??????:))))

№4 (17113) / 23.04.2009 10:59:30

Юлиана, хәбәрдарлык - ул интеллект түгел. Комплексларыңнан арын, алар чынлап булсалар. Син дә хатын- кыз интеллекты бик көчле. Ирләр аны интуиция дигән булалар. Йөгерек ,бик тиз эшләуче интеллект ул чынында, интуиция түгел. Ирләрне кечкенәдән эмоционаь яктан тыйганга, тыюлар аларда мыслительный процессны тормозлый. Яшь чакта егетләрнең кызларга кебек узләренең тышкы кыяфәтләрен кайгыртасы булмаганга, вакытлары күбрәк, шунлыктан алар хәбәрдарлырак була. Кызлар да, җегетләр үзләре дә шуны интеллект билгесе дип уйлый. Соңрак хатын-кыз аңын көн-күреш, бала-чага мәшәкате томалый. Шунлыктан оттыралар ирләргә . Туганда ике җенес тә интеллект ягыннан тигез туа, яшәү дәверендә шундый аерымлыклар килеп чыга. Мин гел: “Әгәр бөтен хатын-кызларның балаларын ниндидер чит кодрәт Марска илтеп атса, алар әлә кайчан анда булыр һәм ирләргә карый 4-5 тапкыр очсызга төшәр иде юллары!” – дим.
Просто минем ирләрчә яши алырлык тормыш шартларым булды, Юлиана. Яшь чакта тырышырга туры килде бераз.))))))))))))))

№3 (17105) / 23.04.2009 10:12:15

Иркә, вәгаләйкемәссәлам!Тәки иренмисең син һәрберсенә подробно язып барырга.Синең язмаларны укыгач, үземне иң надан кебек хис итә башлыйм, комплекс неполноценности хасил була (неполноты түгел, ансы таман , аллага шокер)Каян килә ул шулкадәр аек фикер бер башка.

№2 (17103) / 23.04.2009 09:51:17

Юлиана, сәлам!

№1 (17102) / 23.04.2009 09:48:01

Ну и что, каждый сходит с ума по-своему.Миңа калса сектантлар ни да, фанатлар ни ( особенно хоккей фанатлары),икесе бер иш, ни файда, ни зыян...

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Фирдүс Тямаев
Шаян
Татаркино
Ханский дом
Балмай
Раяз Фасихов