• 15.12-16.12 "Ләйлә вә Мәҗнүн". Премьера. Кариев театры. 18.00
  • 16.12 "Казан" бию ансамбле концерты. Филармония. 18.00
  • 20.12-08.01 "Шүрәле белән Яңа ел!". Г.Тукай әдәби музее.
  • 21.12 Актаныш районы "Агыйдел дэулэт жыр hэм бию ансамбленен "Авылым кайтавазы" исемле ижат концерты
  • 22.12 XIX Татар жыры. КРК «Пирамида». 17:00
  • 22.12 "Без шундый театр төзербез...". Юбилей. Кариев театры. 16.00
  • 02.03-04.04 Фирдус Тямаев "Җиде малай идек". Уникс. 17:00
Туган көннәр
  • 14 Декабрь Сәет Шәкүров (1917-1989)
  • 14 Декабрь Әнәс Галиуллин
  • 14 Декабрь Алсу Әбелханова
  • 14 Декабрь Нур Әхмәдиев
  • 15 Декабрь Габделбарый Болгарский (1884-1927)
  • 15 Декабрь Диләрә Илалтдинова
  • 15 Декабрь Рәшит Нәҗметдинов (1912-1974)
  • 15 Декабрь Мөҗәһит Әхмәтҗанов
  • 15 Декабрь Лилия Сираҗиева
  • 15 Декабрь Нуриәхмәт Сафин
  • Авто прицепы. ПТС в наличии. Самосвал. Передние и задние борта открываются. размеры: 2,0м х 1,3м, 32тр, если с тентом (рабочая высота внутри кузова 0,7м) +1,5тр размеры: 2,0м х 1,3м 32тр, если с тентом (рабочая высота внутри кузова 1,0м) +2тр размеры: 2,2м х 1,3м 34тр, если с тентом (рабочая высота внутри кузова 1,0м) +2тр размеры: 2,5м х 1,3м 36,5тр, если с тентом (рабочая высота внутри кузова 1,0м) +2тр Можно привезти свои колеса, ВАЗовские. с Вашими колесами цены ниже на 3000руб. от написанных. т.+79272493858
  • Казань, ул.Р.Зорге, д.41 сдается комната. 3500руб/месяц, все вкл. Бабушка-татарка сдает в 2 комнатной просторной квартире комнату для одной девушки-татарки. т.8(906)115-59-77
  • Казанда Бр.Касимовых урамында общежитиядэ 12 КВ м булмэ сатыла. 800 000 сум (стенка, холодильник, диван, плита кала) ишек тэрэзэ куптэн тугел алыштырылган. Собственник 89274283223.
  • Казан шэхэренен Чуйкова урамында ике булмэле квартирны озак вакытка арендага бирэм. Тэртипле татар гаилэсе булса эйбэт. Тел.89274206799
  • Казан шәһәре Магистральный урамы 16А йортында урнашкан(Азино), бөтен унайлыклары булган бер булмәле квартира озак вакытка арендага бирелэ. Начар гадәтләре булмаган, пөхтә, чисталык яратучы кешегэ яки гаилэгэ. Түләү ЖКХ түләүләре белән бергә аена 15500 сум. Телефон: 89872880958.
  • Казан узэгенен Татарстан урамында урнашкан 2 булмэле фатир озак вакытка тэртипле кешелэргэ арендага бирелэ. Яшэр очен барлык нэрсэ дэ бар. Тулэу 17000+ коммун. хезмэт. Тел. 89172757475.
  • Казан. Яшь тай ите сатыла. Буген суябыз. Алгы бот хэм кабыргалары. 330 сум/кг. 89030618118
  • Мавлютова урамында урнашкан тулай торакка бер егет кертэм. 89274433797
  • Казан. Яшь тай итенэ заказлар жыям. 12 декабрь конне суела. Халял ит. 89030618118
  • Арча шэхэреннэн 3км ераклыкта урнашкан Сарай-Чокырча авылында 15сотый жир сатыла. Газ,су,ут кергэн, профнастилдан ор-яна капка-койма,жилэк-жимеш агачлары утыртылган.Бик матур табигать кочагында:тирэ-ягы яшеллеккэ кумелгэн, бакча башында гына балык куллэре.Реелторлар борчымасын.89178967821 (Можно через ватсап)

 

 

 
Архив
 
 
20.03.2015 Мәдәният

Татарны “данлаучы” Айдарлар

Матбугатта еш кына телгә, милләткә кагылышлы каршылыклы фикерләр күренә. Берәүләр милләттәшләрнең башка халыклар гореф-гадәтләрен киптергеч кәгазь сыман сеңдерүен, асылыбыздан ераклаша баруын язалар, хәтта халкыбызга куркаклык, хөсетлек, ялагайлык хас дип тә өстиләр. Ә икенчеләре исә моны милләткә тел тидерү дип бәялиләр, халык – бөек ул, үз халкыңа тап төшерү тәрбиясезлек билгесе диләр. “Т.Я.” авторы Рөстәм Зарипов та үзенең бер мәкаләсендә милләт исеме белән авыз чайкау әтрәгәләмлек күрсәткече дип атады.

Тискәре гамәл кылган милләттәшләрнең гаебен тулаем милләткә аударып язган каләмзатларны яман гадәтләрдән биздерү юлын да күрсәтте: Конституциянең, Җинаять кодексының фәләненче маддәләре буенча җавапка тарту төзәтәчәк икән үзләрен. Бераз оят та булып китте, чөнки үзем дә милләттәшләр арасында тамыр җибәргән алама гадәтләр хакында шактый гына язып ташладым бугай. Һич кенә дә “өтермән” шулпасын чөмерәсе килми бит!

Ләкин, кызганычка, миңа Рөстәм әфәнде һәм милләт дип янып яшәүче бүтән авторларыбыз кебек бары тик татарлар гына яшәгән төбәктә гомер итәргә, татар мохитендә генә кайнарга насыйп итмәде шул. Үз телендә сөйләшергә кимсенеп, вата-җимерә булса да урысча сөйләшергә маташкан, моңлы җырларыбызны тыңлаудан бизеп, шалтыр-шолтыр такмак әйтүче “җырларга маташучылар”га мөкиббән, милли матбугатны кулына да тотмаучылар арасында яшим һәм эшлим. Нишлисең, адым саен үзебезнекеләрнең ваемсызлыгына һәм, һич курыкмый әйтәм, алда телгә алынган куркаклыгына вә ялагайлыгына юлыккач, җан әрни бит! Һөнәре татар теле укытучысы булып та ана телен белмәгән балалар үстергән берәүләр турында да, шәһәр җирендә яшәп тә саф татарча сөйләшә торган егетләр үстерүемнән көлүче милләттәш хакында да, күпчелек өлкәннәребезнең “вынук” дип сөйләшүләре һ.б. хакында әйтми һич ярамый бит! Көндез никах укыталар, кич җыелып эчәләр. Менә монысы, җәмәгать, шактый киң таралган афәт. Дәш-микме, чүпне тышка чыгармыйкмы? Чирен яшергән – үлгән диләр бит. Барысы да ал да гөл диеп яшәсәк, тискәре сыйфатларыбызга күз йомсак, милләтебез ни-нәрсә ота соң?
 
Без дан-шөһрәткә ирешкән милләттәшләребез белән горурланырга яратабыз. “Голос”та җиңгән кызларыбыз өчен куанып туялмадык. Эльмира Кәлимуллина, мәсәлән, Мәскәү сәхнәсендә татарча җырлаудан да, татар кызы икәнен кат-кат ассызыклап, Татарстан тамашачысына рәхмәт әйтүдән дә курыкмады. Шулай ук читтә яшәүче, татар фамилияле, дан-шөһрәткә ирешкән милләттәшләребез белән дә горурланабыз. Әйтик, бер авыз сүз татарча белмәгән киноактерны җыр-кино фестивальләрен алып барырга чакырабыз. Нәсел тамыры татарга тоташкан танылган спортчылар, галимнәр, сәнгать осталары турында горурланып сөйлибез, язабыз, гәрчә алар башка халыкка хезмәт итсәләр дә. Әмма кайчагында кайбер милләттәшләребез ил сәхнәсендә битне кызарталар шул...
 
Беркөнне Беренче каналдан КВН карап утырам. “Оренбургская губерния” дигән команда чыгыш ясый. Араларында Айдар исемле чибәр, озын буйлы татар егете дә бар. Бервакыт: “Әйдәгез әле, жюридан тезләнеп, безне югары лигага чыгаруларын сорыйк әле!” – дип шаярталар болар. Барысы да тезләнде. Шулчак буесыны белән мәктәп баласына охшаган бер кызыйлары: “Торыгыз! Кайчан күргәнегез бар урыс кешесенең кемнәндер тезләнеп нидер сораганын?!” – диде һәм, башкаларга кушылып аягына басарга омтылган Айдарның җилкәсенә басып: “Ә сиңа, Айдар, тормасаң да ярый!” – дип өстәде. Айдарыбыз тезләнгән килеш калды (рәсемдә)... Әй, көлеште зал! Жюри-дагыларның күзләре яшьләнде көлә-көлә. Ә минем шушы өрлектәй егет өчен җаным сыкрады. Бәлки мин юмор аңламыймдыр? Ләкин милләтне мескенлектә гаепләү күренешендә татар егетенең карусыз катнашуы нормаль күренеш мени инде? Бу беренче генә очрак түгел. Тагын бер Айдар бар әле КВНчылар арасында. Монысы – Төмән шәһәренең “Союз” командасы капитаны Айдар Гәрәев. 2014 елның финал уенында әлеге егет “татарская пацанская” дип атаган җыруын башкарып, Мәскәү публикасын тәгәрәп көләргә мәҗбүр итте. Хәер, ил буйлап миллионлаган телетамашачы соклангандыр башының арт чүмеченә татар түбәтәе элгән егетнең чамасыз кыюлык күрсәтеп, изге бәйрәмебез хакында “Курбан-байрам, курбан-байрам” дип, яшелле-мөшелле тавышлар чыгарып акыруыннан. Әле моның белән генә бетмәде милләттәшебезнең “батырлыгы”. Бер мәлне егеткәй, янында торган кызга ачуланып, башындагы түбәтәен идәнгә орды... Шул рәвешле татар түбәтәе 10-15 минут сәхнәдә тәгәрәп йөрде, кемдер аның өстенә басты, берәве тибеп үк очырды... Их, мин әйтәм, колагын борырга иде кемнән туганын оныткан бу юеш борынның!
 
КВНда тоташ бер генә милләт вәкилләре тупланган командалар да бар. Әйтик, кавказлылар. Тау бөркетләре бик шәп юмор хисенә ия, әмма горур халык. Үз чыгышларында милли үзенчәлекләреннән, гореф-гадәтләреннән бернинди мыскыллауга урын калмаслык итеп тә шаярта беләләр бит! Урысларның да үзләренең дини йолаларыннан тамаша ясаганнарын күргәнем дә, ишеткәнем дә юк. Ә безнең Айдарлар, кемдер кушуы буенчамы, үз теләкләре беләнме, акча-шөһрәткә кызыгыпмы, үз милләтләреннән мәсхәрәләп көлү юлына басканнар. Менә боларга беркем дә Конституция һәм Җинаять кодексы маддәләре хакында искәртми дә искәртми инде. Ни өчен менә шушындый фактларны күреп ишетеп торсалар да, бер генә иҗтимагый яки дини оешма да үпкә дә, шелтә дә белдерми? Дәшмиләр, чөнки куркаклыкны һәм битарафлыкны толерантлык дип атарга өйрәнделәр.
 
Без дә дәшмикме? Бүгенге вәзгыятьне белмичә, Тукай, Сәйдәш, Исхакый, Кол Галиләр нәселеннән икәнлегебез, данлы тарихыбыз белән мактанып ятып кына милли үзаңны саклый, торгыза алырбызмы? Минем нәселемдә сәүдәгәрләр булган дип мактанып кына мин мал-мөлкәт иясенә әйләнмим, бабаларым укымышлы муллалар иде дип тә шапырынырга хакым юк, чөнки намазда түгелмен әлегә. Шуңа да, без һаман да элеккеге гайрәтле кавем дип, хыял дөньясына чумып яшәмик. Акны – ак, караны кара дияргә, үзебезгә читтән күз салырга өйрәник. 

Раушания ШӘЯХМӘТОВА
Татарстан яшьләре
№ 9 |
Татарстан яшьләре печать

 
comments powered by HyperComments

Фикерләр

№10 (907524) / 21.03.2015 21:42:45

Кирәксәдә, кирәкмәсәдә телсә кемнең башына татарның милли баш киеме, түбәтәй чәпәделәр..Яктан карап торганда бу бердә матур түгел иде

№9 (907413) / 20.03.2015 21:04:04

Чакыртып алып иманнарын эшерергэ кирэк андыйларнын.

№8 (907412) / 20.03.2015 21:02:31

Ул татарның урыстан күреп ясаган чараларына минем дә ачуым килә. Урыс ни кылана, татар шуны кылана. Моны мин татардан көлү дип аңлыйм. Ул чараларның исемнәрен генә булса да алыштырып куярга ярамый микәнни соң? Ә бит башка милләтләрнең берсе дә болай урлап йөрми, үз бәйрәмнәрен үзләренчә уздыралар, кабатланмас тамашалар уйлап чыгаралар. Бу татарның мәдәни ягын кайгыртып, халыкның культура-агарту эшен оештыручыларга кайчан акыл керер икән?

№7 (907404) / 20.03.2015 20:35:06

Теләсә кайсы килемшәккә кигереп, ул түбәтәйнең бәясен үзебез төшердек шул.

№6 (907387) / 20.03.2015 19:42:25

дорес яза Рушания.

№5 (907374) / 20.03.2015 18:36:03

урыс халыкы үз үзеннән көлми, ялгышма!!
ЦТВда шимбәләр көлә урыс халкынан!!

татар аңламыйча эт чаба дип бет чаба. яңаны уйлап табарга баш җитми,күрмәкчедән урмәкче дип болар да йөри инде.
шунысы кызганыч,халык шуңа дәррәү килеп кул чаба... аңгырамы,әллә аңлап җиткрмимә халык,белмим. үзен мыскыллыйлар,ә алар кул чаба. барып җиттек бугай...

№4 (907369) / 20.03.2015 18:15:32

Безнен илдэ генэ халык уз- узеннэн колэ. Курэбез бик узэк ТВ дан моны, халыкнын шыр- шыр колеп утырганын. Боларга бар кемнэн урнэк алырга. Акча йори адэм башыннан.

№3 (907363) / 20.03.2015 18:00:48

Минем генә ачуым килгәнме дисәм,бар икән фикердәшләр.Татарлыкның символы булган татар түбәтәен типкәләгәнгә бик ачуым килде шулвакыт.Ничек аларны табып татарлыкны күрсәтеп алырга,чилепешлеләргә.

№2 (907359) / 20.03.2015 17:46:34

Түбәтәйне идәндә аунатуларына минем дә йөрәк әрнегән иде. Татар малаена нык ачу чыкты, гарьләндем.

№1 (907345) / 20.03.2015 16:42:52

Дөрес, бик дөрес,Раушания!чыннан да
Корбан бәйрәм турындагы җыры белән ул Айдар бик нык рәнҗетте татар халкын. Гомумән, татарлар чыкса, мин һәрвакыт болар тагын нәрсә белән үз халкын мәсхәләр икән дин көтеп торам.

▲ Өскә

 

Матбугат-инфо
Матбугат.ру
ТНВ
Addnt.ru
Ватаным Татарстан
Шәһри Казан
Бердәмлек
Рәшит Ваһапов фестивале
Туган як
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Идел
Өмет
Диләфрүз
Татарстан Язучылар берлеге
Кариев театры
Түгәрәк уен
Татарстан китап нәшрияты