Җырчылар үз балалары белән чыгыш ясаган концертның сәхнә арты хәлләре һәм ФОТОлар

 

Сәхнә артына керүем генә булды,  каршыма бер малай йөгереп килеп чыкты. Җырчы Илдар Әхмәтовның улы – Ислам икән. Әтисе күрмәгәндә, аулакта серләшеп алдык үзе белән. 

 

 

– 5. Энем дә бар әле. Айдар исемле. Аңа 2 яшь. 

 

 

– Бар. Булат белән Станислав.

 

 

– Алар әшәке. Станислав этә. Күземә сукты. Егылдым. 

 

 

– Төелгән бәрәңге белән кәтлит.

 

 

– “Дудый да дудый буран”. Бүген шуны җырладым.

 

 

– Хоккейчы... яки артист. Кичә хоккейга бардым. “Ак Барс” җиңде. 2:1. 

 

 

– Эльвир абый белән. Тагын ниндидер кыз бар иде. Мин аны белмим.

 

 

– Үземнең дә шайба белән кәшәкәм бар, әти алып бирде. 

 

Илдар Әхмәтовка сүз каттым:

 

 

– Хоккей белән кызыксына шул. Капкачыны аеруча кызыксынып күзәтә. Уенчыларның исемнәрен дә белә. 

 

 

– Икебездән дә алган бугай. Хатын да, мин дә юашрак кешеләр. Әрсезләнә белмибез... “Ярамый” дигән сүзне артык еш кабатлыйбыз кебек. 

 

 

– Миңа анысын әйтмәде әле. “Сдача” бирә ул үзе, алай ук юаш түгел. 

 

 

 

Аларны әтиле-кызлы дип тә әйтеп булмый кебек. Әйтерсең, яшь егет белән кыз. Рөстәм Асаев һәм аның кызы Гөлназ турында әйтүем. 

 

 

– Иң мөһиме – кеше булсын. Акыллы кеше. Кызымны хөрмәт итсен, яратсын.

 

 

– Әти әйткәнчә, кеше булсын. Иң мөһиме – артист булмасын.

 

 

– Иремнең нормаль һөнәр иясе булуын телим. 

 

 

– Артистка бит аңа аерым игътибар кирәк. Ә җырчы кыз буларак, үземне назлап торуларын телим.

 

 

– Бик эгоист мин. Гаиләдә бер генә бала, мөгаен, шуңадыр. Үз-үземне яратам, тик тәнкыйть белән дә карый беләм. 

 

 

–  Казан музыка көллиятендә.

 

 

– Юк әле.

 

 

– Әйбә-әт. Яшь арабыз да әллә ни зур түгел. Дус кызлар кебек без аның белән. Рәхәтләнеп серләремне дә сөйлим. Безнең гаилә  “Санта-Барбара”ны хәтерләтә.

 

 

– Әлбәттә! Алар әнием белән дә әйбәт аралаша. Шундый тату гаилә инде без. Әниләр Казанга килгәндә ике әти бергә эшләре буенча чыгып китә. Кафеда утыралар. 

 

 

– Минем бер таныш сукыр әбием бар. Ул берничә җырчының иҗатын үлеп ярата. Шуларның берсе – сез. “Рөстәмнең тавышы бик көчле, тик үз өстендә эшләми”,  – дип борчыла шул әби...

 

– Эшлим. Авторлардан яңа җырлар алам да, студиядә эшләүчеләрнең кайчан вакыты була, шунда барып тиз генә җырны яздырып та кайтам. Әмма еш кына җыр өстендә әйбәтләп эшләп бетерергә өлгерми каласың. Аны нәрсә өчен яздырабызмы? Аранжировка өчен. Аннары шуңа  тере уен коралларын кушабыз. Менә шул эшләнеп бетмәгән җырлар кайвакыт автоматик рәвештә ротациягә китә. Бәлки шул вакытта тавышым тиешенчә яңгырамыйдыр. Ул әбине минем “сольный” концертыма алып килегез!

 

 

 

Җырчы Закир Шаһбан гримеркада кайнашкан арада, хатыны Гөлүсә һәм 5 сыйныфта укучы кызы Алисә белән сөйләшеп алдык. 

 

 

– Юк.

 

 

– Әти баянда, мин скрипкада уйныйм.

 

 

– Юк әле.

 

 

– Юк, – дип сүзгә әнисе кушылды. – Җәй көне үзе җиләк җыеп сатты. Күп җиләкле, шәп урыннарны беләбез.

 

 

– Юк. Мин ашадым гына. Өйгә дип тә җыйдым. Бөтен кешедә “айфон” бит хәзер. Үзалдына максат куйды да телефон алды менә. Алисә акчаның каян, нинди юллар белән килүен яхшы белә. Үзенең бюджеты бар. Әбисе һәм без биргән акчаларны җыеп бара да, аннары  шуңа теләгән әйберен ала.

 

 

 

Җырчы Равил Галиевның улы Сәйдәш белән кызы Әминә матур итеп җырладылар. Әминә һинд биюе дә башкарды. Сәйдәш белән сөйләшәбез:

 

 

– 2нче гимназиянең 4Б сыйныфында. Болай яхшы укыйм. Ләкин бераз ялкаулык та бар. 

 

 

– Әтинең концертларында җырлыйм.

 

 

– Әлбәттә. Кайвакыт алып та барам әле. 

 

 

– Рәхмәт әйтә. 500 сум тирәсе акча да бирә. 

 

 

– Җыеп барырга тырышам да, ләкин җыен чүп-чарга китеп бетә ул. Шоколад, сагыз ише нәрсәгә.

 

 

– Кояш белән торам, кояш белән ятам. Иртән зарядка ясыйм. Җыр түгәрәгенә, атнага бер тапкыр футболга йөрим.

 

– Яраткан кызың бармы?

 

– Хәзергә юк, киләчәктә булыр дип ышанам.

 

 

– Юк. Нигә аларны рәнҗетергә? Берәр җире авыртса?

 

 

– Минемчә, “Әти карашы” –  иң матуры!

 

 

Булат Бәйрәмов белән дә рәхәтләнеп гаиләсе, кызлары турында сөйләшеп утырдык. 

 

 

– Йөрми. Атнасына өч тапкыр биюгә бара. 3 сыйныфта укый. Ә артистлык сәләте каян килә дигәндә... Мультфильмнар карый да, геройларга пародия ясый, алар булып сөйләшә. Өйдә Ләйсән булып кыланырга ярата. Сеңлесе Зифа белән безгә курчак театры да куялар әле. 

 

 

– Гаиләдә билгеле бер таләпләр куелган. Уку – беренче урында. Өйдә татарча гына сөйләшергә. Йокларга сәгать 10нан да соңга калмаска, уенчыклар белән уйнагач, бүлмәне җыештырып куярга һ.б. 

 

 

– Сөйли. Әмма ни кызганыч, алып укырлык татар халык әкиятләре генә юк безнең. Тегесенең “башын чапканнар”, монысын “асканнар”... Ужас! Шуңа күрә тәрбияви әкиятләрне үземә уйлап чыгарырга туры килә. Бер китап язарлык булды инде алар. 

 

 

– Идеаль гаилә булмый инде. Бездә дә вак-төяк проблемалар чыгарга мөмкин. Ләйсән белән төчеләнеп сөйләшмибез. Ул да, мин дә төчелекне яратмыйбыз. 

 

 

– Хәтерләмим дә. Яшь барган саен сабырлана барасың. Башка гаиләләр белән чагыштырасың да, шөкер итәсең. Авыру бала үстерүче ата-аналар бар, кайдадыр сугыш... 

 

 

– Әлбәттә! Рәхәтләнеп! Ялгышымны таныйм икән, барам да гафу сорыйм. Ләйсән дә шулай. Тәкәбберлек, масаю, горурлык дигән нәрсә безгә хас түгел. Ул бит гөнаһ.

 

 

– Бу турыда сүз дә кузгатасым килми. Гаиләбездә акча турында сүз чыкканы юк. Әгәр ир яки хатын: “Мин синнән күбрәк эшлим”, – дип лаф ора икән, бу бик начар инде.

 

 

 

Кайтырга җыенып йөргәндә җырчы Илгәрәйне дә тотып алдым.

 

 

– Анысы сер. Срокны 16 мартка билгеләделәр. Безнең тормыш 16 санына бәйләнгән. Хатыным Айгөл белән 16 апрельдә йөри башладык. 16 июльдә өйләнештек, хатыным 16 гимназиядә эшләп алды, туган көне дә – 16 ноябрьдә. Кызыбыз Әдиләне дә 16 декабрьдә туачак дип әйткәннәр иде. Анысы бик үк туры килеп бетмәде, кәнишне. 

 

 

– Быел беренче тапкыр кар кабып карап, аның нәрсә икәнен белде. Дөнья белән танышуын дәвам итә. 

 

 

– Гомеремдә дә!  Әнисе сугып ала инде, тыңламаганда. 

 

 

Фойеда кызы белән куышлы уйнап йөрүче Альбина Апанаевага да бәйләнеп аласы иттем. Ул әнисе һәм ире белән килгән иде. Миралиягә 1 яшь тә 9 ай булган. Исеменең мәгънәсе  – “бәләкәй принцесса” дигәнне аңлата икән. Бик шук бала. Рәхәтләнеп йөгереп йөри, әнисенә тоттырмый да хәтта. Фотога төшерәм дигәч тә, башта киреләнеп маташты.