|
|
Бүген кемнәр туган
|
|
Архив
|
22.01.2015 Җәмгыять
Нурзадә нинди китаплар укый1. Мин кайбер китапларны кат-кат укырга яратам. Әле яңарак кына Батулланың «Бию җене кагылган егет» китабын янәдән укып чыктым. Гомумән, миңа тарихи, автобиографик әсәрләр ошый. Үзем дә биергә яраткангамы шунда, бу романны мин бик ошаттым. Рудольф Нуриев турында күп мәгълүмат алдым. Икенче яратып укыган китабым, аны да берничә кат укыдым – Галимҗан Гыйльмановның «Албастылар» әсәре. Ул мавыктыргыч булуы белән җәлеп итте. Аның дәвамы да булырга тиеш, кайчан басылып чыга инде дип Галимҗан абыйның үзеннән дә гел сорашып торам. Яңарак кына авыл китапханәсеннән Гөлсинә Галимуллина дигән язучының китапларын алып килдем. Саба районыннан булган ул авторны күп кеше белми дә икән. Аның язу стилен мин Зифа Кадыйровага охшаттым. Кеше язмышы гади, тормышчан итеп язылган. Зифа Кадыйрованың китапларын исә иртәнге бишкә кадәр укып утырганым бар. Рус язучыларыннан шушы көннәрдә генә Татьяна Веденскаяның «Загадай желание» китабын укыдым. Шигырьләр дә укыйм. Шәмсия Җиһангирова, Илсөяр Иксанова китапларын еш актарам. 2. Китап кибетенә атнасына бер тапкыр бармый калмыйм. Милли китапханәгә дә еш йөрим. Китапханәдән «Казан утлары» журналын алып кайтам. Анда өзекләп чыгып барган романнарны ай саен өзелеп укымыйм, ә барысын бергә җыеп укыйм. Алай уку кызыграк.
3. Электрон китабымны ерак юлларга чыкканда гына алам, ә өйдә китапларның үзен тотып укырга яратам. Алардан аңкып торган яңа кәгазь исе үзе генә дә ни тора.
Дилбәр ГАРИФУЛЛИНА |
Иң күп укылган
|