|
|
Бүген кемнәр туган
|
|
Архив
|
09.04.2009 Интернет
«МАТБУГАТ.РУ»НЫҢ 3 ЯҢАЛЫГЫ БАР
Беренче яңалык: логотип ясаттырдык. Аны безгә дизайнер Артем Мельников эшләп бирде. Бик күп вариант арасыннан шушысын сайлап алдык. Аны ошатучылар да, ошатмаучылар да шактый. Бар кешегә дә ярап булмас. Ничек кенә булмасын, алга таба шушы логотипны файдаланырга исәп. Безнең сайтны баннер, флаер, постер һәм башка шундый “импортлы” мәйданнарда телгә аласы булсагыз – нәкъ шушы логотипны урнаштыруыгызны сорыйбыз.
Икенче яңалык: безнең белән Рәйсә Борһаниева һәм Лилия Кадыйрова хезмәттәшлек итә башлады. Әгәр дә алар Сезгә “Матбугат.ру” исеменнән шалтыратып, тәкъдим, сорау, үтенеч, гозер яки башка шундыйрак ният белән чыкса – аптырап калмавыгыз сорала. Алар болай үзе яхшы кызлар...
Өченче яңалык – бик үк яңалык та түгел. Бары тик форсаттан файдаланып рәхмәт әйтү генә. “Матбугат.ру” проект буларак яшәгән дәвердә аның юлында яхшы кешеләр очрап тора. Асылда шушы кешеләрнең тамчы-тамчы ярдәме белән җыела да инде ул “Матбугат.ру” дигән күл. Кыскасы, боргаламый-сыргаламый гына композитор Марат Мухин, фотограф Наил Зыятдинов һәм журналист Фирдүс Гыймалтдиновка зур рәхмәт белдерәбез. Алар бу арада безгә бик ярдәм итте.
--- |
Иң күп укылган
|