|
|
Бүген кемнәр туган
|
|
Архив
|
06.11.2014 Җәмгыять
Рузил Мөхетдинов белән Элиза Халикова никах укытты“Булмас.ру” сайты хуҗасы, кайчандыр татар җәмәгатьчелеген шаулаткан “Корыган ботак” проекты авторы Рузил Мөхетдинов шушы көннәрдә Элиза Халикова белән гаилә корып җибәрде. Элизаны күпләр ТВда модель ролендә күргәннәре бардыр. Әле ул пауэрлифтинг белән профессиональ шөгыльләнүче атлет да. Никахына 1-2 атна кала гына республикакүләм ярышта өченче урынны яулады. Никах 2 ноябрь көнне кыз ягында Балтач районында узган. Рузил үзе Арчадан. Никахны Рузилнең дусты һәм классташы Рөстәм хәзрәт Йосыф ибн Хәйдәр әл Шушмави укыган. “Бик әйбәт кеше ул. Бөтен никахны шуңа укытып барам”, - ди өйләнү белән юмор хисен югалтырга өлгермәгән Рузил.
Егет белән кыз Балтачта “Музыкаль десант” дигән концертта танышканнар. Рузилне Арчадан күрше районга концерт карарга дип әлеге дә баягы дусты Рөстәм хәзрәт алып барган. Бу хәлгә инде 6 ел бар. Шактый гына очрашып йөргәннән соң Элиза белән Рузил гаилә корырга була.
Яшь гаиләне чын күңелдән котлыйбыз!
--- |
Иң күп укылган
|