|
|
Бүген кемнәр туган
|
|
Архив
|
31.10.2014 Интернет
“Матбугат.ру”га тәүлекнең кайсы вакытында күбрәк керәләр? (ГРАФИКА)Бу сорау, бәлки, кемгә дә булса кызыктыр. LiveInternet статистикасына күз салсак, сайтыбызга керүчеләр динамикасы тәүлек буена үзгәрүчән. Аңа үзебезчә аңлатма бирергә тырыштык: 01.00 - 05.00 сәг.
Сайтка сирәк кеше керә: йокысызлыктан интегүчеләр, гадәти булмаган график буенча эшләүчеләр һ.б.
05.00 - 09.00
Сайтка керүчеләр саны артканнар арта бара. “Матбугат.ру”га күпләр иртән торуга ук керә, димәк. Эшкә киткәнче.
09.00 - 12.00
Динамика бераз сүрелә, әмма һаман артуга бара. Халык эшкә барып җиткән. Эшли. Яки эш күрсәтә. Бу сәгатьләрдә керүчеләрнең шактые, рус әйтмешли, “офис планктоны”.
12.00
Сайтка керүчеләр саны сизелер-сизелмәс кимеп ала. Интернет интернетом, а обед по расписанию!
12.00 - 16.00
Караучылар саны кабат әкренләп арта. Эш көне дәвам итә. Әмма инде өйгә кайтасы килә.
16.00 - 17.00
Графика угы аска юнәлә. Халык эштән кайта, юлда интернетка керергә җай юк. Плюс ашарга пешерү, иреңне-хатыныңны каршы алу, балаңның көндәлеген тикшерү һ.б.
17.00 - 21.00
Кисәк күтәрелеш. Йорт эшләре тәмамланган кебек була, компьютер искә төшә.
21.00
“Матбугат.ру”га иң күп кеше керүче сәгать.
21.00 - 01.00
Керүчеләр саны сәгать саен кими бара. Халык берәм-берәм йокыга тала. Тәмле төшләр! Иртәгә кабат “Матбугат.ру”да очрашканга кадәр!
P.S. Чагыштыру өчен,
"Туйлар.ру" сайты графикасы "Матбугат.ру"ны тулысы белән диярлек кабатлый: Ә "Татпресса.ру" графигы, киресенчә, бөтенләй башка динамика күрсәтә:
Ә сез "Матбугат.ру"га кайчан һәм ничек керәсез? Языгыз әле, безгә бик кызык.
--- |
Иң күп укылган
|