|
|
Бүген кемнәр туган
|
|
Архив
|
11.04.2008 Милләт
РИММА БИКМӨХӘММӘТОВАНЫ ТАТАР ИКӘНЕН ТЕШЛӘРЕ БУЕНЧА АЧЫКЛАГАННАРКешенең татар икәнлеген тешләре буенча ачыкларга була икән. Моны «Ирек мәйданы» газетасы журналисты Римма Бикмөхәммәтова сөйләде. Стоматолог абзый аның тешләрен карауга ук милләтен дөп-дөрес әйтеп биргән. Бу арада Римма «Мин татарча сөйләшәм» акциясен уздыру мәшәкатьләре белән чаба. Римманың күңеле генә түгел, ә тешләре дә чын татарча булуы бу проектка теш-тырнагы белән ябышырга ярдәм итә дә инде. Бер теше сызлый башлагач, Римма Бикмөхәммәтова Казанның Декабристлар урамында урнашкан «Ак теш» стоматологиясенә бара. Аны ул исеме аркасында сайлаган (берничә көннән «Мин татарча сөйләшәм» акциясе бит – ничек инде рус атамалы стоматологиягә барасың!) Римманы Нияз исемле табиб каршы ала. Утлар белән яктыртылган кәнәфигә утырта. Тешне дәвалагач, Римма сорап куя моннан: «У меня корни зубов оголяются, посмотрите, пожалуста», – ди. «Сез татармы әллә?» – дип сорап куя табиб кеше. «Әйе, ә сез каян белдегез?». «Чөнки бу парадантоз – татарларга хас авыру». Баксаң, моның сере бик гади икән. Татарлар күбесенчә камыр ризыклары, мучной ашлар белән туклана. Шул нәрсә парадантоз китереп чыгара ди. Моннан соң милләтегезне күрсәтергә теләмәсәгез – авызыгызны чамалап ачыгыз.
--- |
Иң күп укылган
|