• 23.10-24.10 "Хыялый" спектакле премьерасы. Тинчурин театры. 18:30 да
  • 25.10-28.10 Ришат Төхвәтуллин. УНИКС. 18:30
  • 26.10-27.10 "Сәлам, Актәпи!" спектакле премьерасы. Кариев театры. 13.00 һәм 17.00
  • 26.10-27.10 "Сәлам, Актәпи!" спектакле премьерасы. Кариев театры. 6+
  • 11.11-12.11 "Казан" бию ансамбле концерты. Камал театры. 19.00
  • 23.11 "Тәртип"радиосының 5 яшьлегенә багышланган концерт. Филармония. 18:00
  • 02.12 "Кем кемне?!" Резидә Шәрәфиева һәм Рафаэль Якупов концерты. Филармония.18.30
  • 03.12 "С чего начинается Родина..." Марина Карпова концерты. Филармония.18.30
Туган көннәр
  • 23 Октябрь Марсель Зарипов
  • 23 Октябрь Дания Гыймранова
  • 23 Октябрь Ленар Сәйфиев
  • 24 Октябрь Софья Гобәйдуллина
  • 24 Октябрь Рәис Шәйхелисламов
  • 26 Октябрь Резидә Галимова
  • 26 Октябрь Раил Өметбаев
  • 27 Октябрь Шамил Садыйков
  • 27 Октябрь Фәрит Таишев
  • 27 Октябрь Рөстәм Вәлиев (1961-2014)
  • 40лет ищу работу Апастово Казань Апастово 89297268953
  • Балагызга вакытлыча тэрбияче(няня) була алам.Студентка Медицинского колледжа. После обеда свободна до вечера. (цена по договорённости) г. Казань Тел: 89393397826
  • Сдается однокомнатная на Бр.Касимовых. 16 тыс, все включено.Собственник. 89196255266
  • Идел буе районында урнашкан 55 балалар бакчасына тэрбиячелэр кирэк. 89276753413
  • песоктан 50кг бушаган капчыклар сатабыз бик яхшы хэлдэ .КАЗАН 8950-314-35-17
  • Актаныш.Продается 1 комнатная квартира,есть погреб.В центре Актаныша,рядом парк,рынок,магнит,дом культуры ,детские сады и школы .Вопросы по тефону.Торг 850.тел.89375814252
  • Актанышта йорт сатыла .ут су газ кергэн.Белешмэлэр очен тел 89600697344
  • Актаныш.Продается 1 комнатная квартира,есть погреб.В центре Актаныша,рядом парк,рынок,магнит,дом культуры ,детские сады и школы .Вопросы по тефону.Торг 850
  • Актаныш. Натяжной потолок урнаштырабыз. Килеп улчәү, консультация бушлай, светильниклар да куябыз. Актаныш, Актаныш районы буенча эшлибез 8-937-581-42-52 Айдар
  • Бергэ квартира снимать итергэ иптэш егет эзлим Казанда,89506660021

 

 

 
Архив
 

17.09.2014 Дин

Авылга мулланы ничек табасы?

Күптән түгел никах мәҗлесендә катнашырга туры килде. Өлкән генә авыл агае яшь парларга изге теләкләрен юллап никах укыды, соңгы көчен җыеп, яшьләрне олы тормыш юлына бастырды. Тавышы көчкә генә чыга, сизелеп тора, хәле юк. Исем китте. Нигә башка кешене чакырмадылар икән, дип утырдым. Соңыннан бу хакта үзләренә дә әйттем.

– Син үзегезнең авыл мул­ласы белән башкаларны чагыштырма, – диде алар. – Республиканың баш казые Җәлил хәзрәт Фазлыев сез­нең авылны бер йодрыкка туплап торгач та, бездә укырга кеше таба торган түгел. Шушы бабаң исән-сау гына булсын, ул бакыйлыкка күчсә, нәрсә эшлисе булыр. Авылда укый белүчеләр юк, без аны каян табыйк?!

Дөресен әйтим, республика авылларында муллаларга кытлык, дип уйламаган идем. Авылга кайткан саен азан тавышын ишеткәнгә, мәчет тутырып балалар, өл­кәннәр йөргәнгә, гает вәгазен тыңлар өчен читтә яшәүче авылдашлар махсус кайтканга, Җәлил хәзрәт авылда булмаганда аны алмаштыра алырдай кешеләр булганга без инде күнеккән, моңа гадәти хәл итеп карый башлаганбыз. Соңгы елларда авыл саен диярлек мәчет салынгач, 5 вакыт азан әйтелмәсә дә, баш­каларның да Аллаһ йортлары үз вазыйфасын үти кебек тоелды. Ни кызганыч, алай түгел икән. Мәчетне тотып тора ала торган кеше булмаган, аның ишегенә йозак эленгән авыллар да бар.
 
Статистик мәгълүмат­лар­га күз салсак, республикада 60тан артык мәчет җомга намазларына да ачылмый. Дөрес, аның яртысыннан артыгы дача йортлары гына булган авылларда урнашкан.  ТР мөфтие урынбасары, Ка­занның “Гаилә” мәчете имам-хатыйбы Рөс­тәм хәзрәт Хәйруллин бел­дергәнчә, вакытлыча эшләү­че мондый мәчетләргә укымышлы муллалар җәлеп итү кирәкмидер дә. Ә менә чын татар рухы булган авылларда аксакаллар урынына алмаш кирәк.
 
– Авыл зурмы ул, кеч­кенәме, һәрберсендә диярлек Аллаһ йорты бар. Мәчет – шәһәрнең дә, авылның да йөрәге булырга тиешле урын. Кайгылы вакытыбызда да, шатлыклы минутларыбызда да күпләр аның бусагасын атлап керә, – ди Рөстәм хәзрәт. – Рухи яктан баер, бушаныр өчен кирәк ул безгә.
 
Тик авырлык килгәндә таяныр, киңәш сорарлык аксакаллар булмаганда, аларга алмашка килүче белемле яшьләр авылда калмаганда, кемгә барып сыенырга соң? 80 яшьлек бабай муллалык вазыйфасын башкара икән, аны алмаштырырлык кеше таба алмаганда нәрсә эш­ләргә кала? “Мәчеткә йөргән, догаларны белүче бала һәр авылда диярлек була, – ди Рөстәм хәзрәт. – Хәзрәт булырлык кешене мәктәп эскәмиясеннән әзерли башлаганда гына авыл муллалы булачак. Дингә тартылучы баланың белемен камил­ләштерү өчен мәдрәсәләргә җибәрергә кирәк”.
 
Башта мәдрәсәдә, аннан университетта укыган елларында ук авылдашлары бе­лән аралашып, балалар өчен төрле лагерьлар оештырып йөргән яшь кешегә төрле яклап аяк чалырга түгел, ә ярдәм итәргә ки­рәклеген әйтә хәзрәт.
 
– Муллалар табиблар кебек укымышлы булырга тиеш, – ди Рөстәм хәзрәт. – Белемле хәзрәт янына гына кеше тартыла. Аллаһтан бирел­гән сәләтен эшкә җигеп, ул башкаларны да туры юлга бастырырга тиеш. Мәчетләр­гә яшьләрне җәлеп иткәндә проблемалардан котылырга була. Бабай үлде, аның урынына кемне куярга инде дип лаф орып кына йөреп булмый. Алмаш турында уйларга кирәк. Әгәр дә авылда сәләтле бала бар икән, аның дини уку йортында укырга теләге булса, авыл халкы үтенече белән без аны урнаштыра алабыз. Хөкүмәт тарафыннан һәр районнан ике шәкертне бушлай укыту мөмкинлеге тудырылды. Җирле җитәкчеләр, бәлкем, бу хакта белеп тә бетермидер, мөмкинлек барында белемле кадрларны әзерләү кирәк, – ди Рөстәм хәзрәт.
 
Соңгы вакытта авылларга кайтып эшләргә теләк белдерүчеләргә диния нә­зарәте тарафыннан 180 мең сум грант та каралган. Бу зур акча да түгел кебек. Тик кызыксындыру чарасыннан баш­ка да булмый. Сәләтле, тырыш, үҗәт яшь муллалар кайтмаса, эчкечелек тамыр җәяргә, диннең башка агымы авылларга үтеп керергә мөмкин.
 
Дин дәүләттән аерылган булгач, мәчеттә эшләү­че­ләргә хезмәт хаклары да түләнми. Муллалар хәер акчасына гына яшәргә мәҗбүр. Авылларда исә сәдака күп җыелмый, мәчет чыгымнарына да җитми, диләр. Дө­рес, кайбер җир­ләрдә муллага хезмәт хакы түләүнең юлларын табалар. Республи­каның бер авылында, мәсә­лән, берәү әти-әнисе хөрмә­тенә мәчет салдырган булган. Тик ул ябык торган, авылда дога укырлык кеше табылмаган. Мәчет салдырган кеше, аптырагач, туган авылына шәкерт кайтартып, проблеманы хәл иткән. Мулланы тору урыны белән тәэ­мин итеп, яшь гаиләгә мөм­кинлекләр тудырган. Шуннан соң гына азан тавышы ишетү насыйп булган. Рөстәм хәзрәт әйтү­енчә, соңгы вакытта авыл муллалары язмышын кайгыртучы мондый кешеләр ешрак күренгәли башлаган.

Лилия НУРМӨХӘММӘТОВА
Ватаным Татарстан
№ 135 | 16.09.2014
Ватаным Татарстан печать

Фикерләр

№13 (884895) / 30.09.2014 13:03:52

Дин юлына басу-миллэтне бетеру юлында беренче адым.

№12 (883899) / 19.09.2014 11:36:22

Әстәгефирулла №10нын посты дин ничек миллэтне, гайлэне саклый икэнен бик ачык курсэткэн. Аларга туганнарда, тем боллее миллэттэ кирэк тугел.

№11 (883893) / 19.09.2014 10:44:59

Ай Җанбай!
Кысырыклыйлар имеш!
Ә кайда кысырыкламыйлар? Белмәгән кешене кайчан кочак җәеп каршылыйлар соң,әле?
Рас, син мэгърифәт нуры чәчәргә килгәнсең икән, түзәргә тиешсең андый нәрсәләргә! Абруйны бер көндә генә казанып булмый, җаннарым! Аның өчен сынаулар аша үтәргә кирәк.
Яшь белгечне, коллективка килгәч ниләр аша гына уздырмыйлар! ...Я төпкә төшәсең, я көрәшеп үсәсең!
Авылга бәлеш ашарга гына килгән белгечләргә авыр була шул андый сынаулар! Димәк, юлын дөрес сайламаган, Җанбай.

№10 (883880) / 19.09.2014 06:36:59

Менә ул, исламчларның чын йөзе: "Хәзергесе көндә Аллаһның рәхмәте белән кайберәүләргә хакыйкать тиз барып җитә. Бигрәк тә яшьләргә. Алманиядән, Британиядән, Америкадан һ.б. көнбатыш илләреннән исламны кабул итеп, бай,бөтен яктан тәэмин ителгән гаиләләрен - ата-анасын, хәтта хатыны баласын да клдырып, чыгып китүче яшьләр күп бүген. Алар күбесенчә гыйлем эстәп кенә түгел, Аллаһ ризалыгына ирешү өчен бу дөньяда акча,байлык, мал, гаилә колы булып яшәүгә караганда Аллаһ юлында сугышып үлү хәерлерәк икәненә тиз төшенәләр. Ихлас-ниятләре шундый булып, нык тора алсалар, һичшиксез шулар инде, алар уңышка ирешүчеләр! Әгудү билләһи..." http://www.azatliq.org/content/article/26585667.html

Я кем әйтә, Ф.Б. нең "Көймә фәҗигасы-милләт фәҗигасе" дигән мәкәләсе белән, аның астындагы прсты беләр бер үк эчтәлектә түгел дип? Особенно "гаиләләрен - ата-анасын, ... хатыны баласын да клдырып,... Аллаһ юлында сугышып үлү ..." чыгып китәләр дигән өлеше...


№9 (883861) / 18.09.2014 19:25:43

Иң дөрес ислам, безнең бабайлар тоткан, хәзер традицион дигән ислам. Гел сугышка, башкаларны үтерергә, хатын-кызны кол итәргә чакырганы ислам түгел, секта! Аның да иң яманы.

№8 (883850) / 18.09.2014 16:58:11

татарга анларга вакыттыр инде,традицион,татар исламы юк,ул шайтаннан,ислам бер 1 генэ барлык моселманнар очен.

№7 (883840) / 18.09.2014 15:19:51

Белемле муллалар кирэк дисез дэ... Бу очракта шуны эйтэ алам. Берэр авылга белемле мулла килсэ, кимендэ ике ел аны кысыклыйлар, рэнжетэлэр, Коръэн мэжлеслэренэ, азан эйтеп исем кушуларга, женазаларга чакырмый "интектерэлэр". Интектеру сузен куллану бик дорес тэ тугелдер бэлки. Эш шунда, белемле хэзрэт, сэдака таратышуны тэнкыйтьли, женазаны авылча итеп тугел, дин кушканча башкара, урыс белэн татар никахына каршы чыга. Остэвенэ эле сакал да устерэ. Ызначит, ваххабит!! Бер авылга килеп, шуннан китэргэ мэжбур булган бер бик белемле хэзрэтне шэхсэн узем белэм.

№6 (883823) / 18.09.2014 12:14:11

*,

№5 (883800) / 18.09.2014 06:47:39

Вазифасы булса, ул вазифаны үтәүнең авырлыклары, башка бар эшләргә караганда да катлаулырак булып, аның өчен түләүнең югары булырга тишлеген дәлилләүче һәр вакыт табыла. Бу муллага гына кагылмый. Ә менә ул вазифа кирәкме-юкмы икәне турында, берәү дә уйлап карамый. Кырыкмаса-кырык төрле инспекцияләр, үзләренә бина даулаучы иҗтимагый оешмалар, төрле фондлар... Андый "кыен" миссиягә ник алынырга, кирәклегеңне дәлилләп, аның түләнегә тиешлеген аңлатып йөрергә??? Чынлап та кирәк вазифа, бер дәлилләнмичә дә түләнә, өстән кушмыйча, читтән китермичә барлыкка килә. Элек, авылда көтүче кирәк иде, халык җыелып яллый иде. Кешеләрнең вакыт мөмкинлекләрн барлыкка калгәч, көтүченең кирәге бетте, чиратлап көтә башладылар.

№4 (883797) / 18.09.2014 05:51:21

Авыл мулласы,

№3 (883796) / 18.09.2014 00:09:55

Пенсиядәге мулла хәер акчасына мохтаҗ да түгел, ә яшь муллага хәер акчасына карап кына яшәү бик кыен. Аның да бит дөнья көтәсе, гаиләсен тотасы бар.
Авылдагы мулла фәкать дини йолаларны гына (никах, җеназа)үтәр өчен кирәк дигән фикер дөрес түгел. Имам мәчеттә 5 вакыт намаз укытырга, атна саен Җомга намазын үткәрергә, дин белеме алырга теләүчеләргә дәрес бирергә, мәчет кирәк-яраклары артыннан йөрергә, гомумән, мәчетне үз өен кебек тәртиптә тотарга, вәгазенә әзерләнергә, авыру кешеләрнең хәлен белергә, кирәк булса Йәсин чыгарга, моңа өстәп мәетләрне озатырга, ашларында катнашырга, зират та бар бит әле - аны карарга, тәртиптә булуын кайгыртырга, район җыелышларына барырга... Тагын без муллалар гына белә торган эш-хезмәтләр бар. Яшь мулла каядыр хөкүмәт эшенә урнаша ала алуын, ләкин бу очракта үз вазыйфаларын ул инде җиренә җиткереп башкара алмый. Менә сез эштән кайтуга авыл халкы эшләре буенча чыгып китә аласызмы? Бер булыр, ике... ләкин эштән кайткан кешене гел дә шулай борчысалар? Сүз дә юк, хәзер авылларда яшь имамнар кирәк, әмма аларны матди яктан,кем әйтмешли, поддержать итәргә кирәк. Йә инде мулласыз торыгыз.

№2 (883764) / 17.09.2014 19:42:48

Муллалар хәер акчасына гына яшәми инде, олы яштә булса, ул пенсия ала, хәер исә өстәмә акча була. Яш кешегә дә теләге булса, эшләргә була, кеше көн саен үлеп тормый, көн саен никах та укытмыйлар.

№1 (883761) / 17.09.2014 19:37:45

муллаларны сүгәсез дә бит, әмма үлә башлагач барыгызга да мулла кирәк,заманча яшәсәгез дә,үлгәндә шәригатьчә китәсегез килә..

▲ Өскә
Матбугат-инфо
Матбугат.ру
Ватаным Татарстан
Шәһри Казан
Бердәмлек
Рәшит Ваһапов фестивале
Камал театры
Тинчурин театры
Татар дәүләт филармониясе
Барс-Медиа
Ирек мәйданы
Татарстан яшьләре
Кариев театры
Идел
Өмет
Татарстан Язучылар берлеге
Татарстан китап нәшрияты
RAFINA/D
Милли Музей
Шаян
Ханский дом
Татаркино