ӘЮПОВ РИНАТ МИРЗАХӘСӘН УЛЫ

1964 елның 28 мартында Питрәч районы Шәле авылында туа.

1988 елда Мәскәүдә Щепкин исемендәге Югары театр училищесын тәмамлагач, Татар академия театрына эшкә алына. 1996 елда Мәскәүнең Щукин исемендәге Югары театр училищесында режиссерлык факультетын тәмамлый; 1995 елда Татар яшьләр театрына, 1996 елда Чаллы театрына, 2002 елны яңадан Татар яшьләр театрына баш режиссер итеп билгеләнә.

Г.Камал театрында уйнаган рольләре: Марек — «Җәһәннәм биюе» (К.Хоинский), Чәчтараш — «Хуҗа Насретдин» (Н.Исәнбәт), Шәмсетдин — «Галиябану» (М.Фәйзи), Самсон — «Ромео һәм Джульетта» (В.Шекспир), Тукай — «Казан егетләре», «Тагын Казан егетләре» (М.Гыйләҗев) һ.б.

Г.Камал театрында куйган спектакльләре: «Һинд кызы» (Г.Каюм), «Әлепле әртистләре» (Аманулла), «Кара пута серләре» (япон әкияте).