ВӘҖИЕВ РАМИЛ КАМИЛ УЛЫ (РАМИЛ ВӘҖИ)

1973 елның 27 сентябрендә Чаллы шәһәрендә туа.

1995 елда Казан сәнгать һәм культура институтын тәмамлый һәм Татар академия театрына килә. Студент чагында Камал театры спектакльләрендә күмәк күренешләрдә катнаша. Ул төрле лирик, көлкеле, сатирик рольләрдә уйный.

Аның рольләре: Шүрәле — «Җанкисәккәем» (Т.Миңнуллин), Убырлы карчык — «Сукыр патша» (Н.Хикмәт), Медведенко — «Акчарлак» (А.Чехов), Кабеш — «Җирән чичән һәм Карачәч сылу» (Н.Исәнбәт), Альфред — «Казан егетләре», Әмир — «Баскетболист» (М.Гыйләҗев), Хәзрәт — «Сөяркә» (Т.Миңнуллин), Серый — «Мәхәббәт хатирәсе» (Ф.Бүләков), Әсән — «Арзы кызы» (М.Тарухан), Салих — «Казан сөлгесе» (К.Тинчурин) һ.б.