УРАЛЬСКИЙ I (НАСЫЙБУЛЛИН) ГАБДУЛЛА НАСЫЙБУЛЛА УЛЫ

(1903–1942)

Әстерхан шәһәрендә туган. 1917 елда Әстерхан татар театрында эшли башлый. 1920 еллар башыннан 1941 елга кадәр алмашлап әле Казанда Татар академия театрында, әле Әстерхан татар театрында эшли. Шул ук вакытта режиссер буларак спектакльләр куя, пьесалар яза. Кабатланмас сәләткә ия булган күренекле артист.

Аның рольләре: Йосыф — «Яшьләр» (Ф.Әмирхан), Кыям — «Беренче чәчәкләр» (К.Тинчурин), Хәлил — «Галиябану» (М.Фәйзи), Хафиз — «Хафизәләм иркәм» (Г.Камал), Таһир — «Таһир-Зөһрә» (Ф.Бурнаш), Сатин — «Тормыш төбендә» (М.Горький), Аммос Федорович — «Ревизор» (Н.Гоголь), Президент — «Мәкер вә мәхәббәт» (Ф.Шиллер), Локман — «Габбас Галин» (Ш.Камал), Вышневский — «Төшемле урын», Беркутов — «Бүреләр һәм сарыклар» (А.Островский), Туктамыш — «Ил» (К.Тинчурин), Юныс — «Шәмсекамәр» (Т.Гыйззәт) һ.б.

ТАССРның атказ. арт. — 1940 ел.