САФИНА ФӘРИДӘ МИРХАФИЗАН КЫЗЫ (ФӘРИДӘ МИРХАФИЗАН)

1957 елның 20 мартында Сарманда туа.

1978 елда Казан мәдәният институтын тәмамлый һәм Җәлил поселогында Нефтьчеләр техника йортында сәнгать җитәкчесе булып эшли.

1985 елда Казан театр училищесын тәмамлый һәм Татар академия театрында эшли башлый. Чая характерлы рольләрдә ачылган артистка.

Аның рольләре: Гөлемхан — «Ахырзаман» (Ч.Айтматов), Зөбәрҗәт — «Хуҗа Насретдин» (Н.Исәнбәт), Сәкинә — «Мирас», Мәмдүнә — «Һинд кызы» (Г.Каюм), Мәйсәрә — «Зәңгәр шәл» (К.Тинчурин), Фәүзия — «Казан егетләре», «Тагын Казан егетләре» (М.Гыйләҗев), Анук — «Гөргөри кияүләре» (Т.Миңнуллин), Маһи — «Асылъяр» (М.Фәйзи), Виктория — «Булмас димә, дөнья бу!» (А.Вампилов), Мария-Каролина — «Гаугалы гаилә» (Эд.де Филиппо), Гафифә — «Беренче театр» (Г.Камал), Сәмидә — «Кичер мине, әнкәй!» (Р.Батулла) һ.б.

ТРның атказ. арт. — 2001 ел.