НУРУЛЛИНА ДАНИЯ НУРГАЯЗ КЫЗЫ (ДАНИЯ НУРЛЫ)

1946 елның 23 августында Казан шәһәрендә туа.

1966 елда Казан театр училищесын тәмамлый һәм Татар академия театрына кабул ителә.

Темпераментлы, гайрәтле, психологик кичерешле төрле үзенчәлектәге рольләр башкару остасы.

Аның рольләре: Ирина — «Баһадирлар» (Н.Погодин), Сайра — «Ир-егетләр», Дания — «Илгизәр + Вера», Саҗидә — «Хушыгыз!», Гөрпинә — «Гөргөри кияүләре» (Т.Миңнуллин), Чәчәк — «Кол Гали» (Н.Фәттах), Варя — «Бер төн» (Б.Горбатов), Зәмзәмбану — «Ташкыннар» (Т.Гыйззәт), Катэ — «Хатыннар гайбәте» (К.Гольдони), Наилә — «Үзеңә хыянәт итсәң» (Д.Вәлиев), Дилфүзә — «Кичер мине, әнкәй!» (Р.Батулла), Саҗидә — «Казан сөлгесе», Мәрфуга — «Зәңгәр шәл» (К.Тинчурин), Смеральдина — «Болан-Патша» (К.Гоцци), Йолдыз — «Туй алдыннан» (Х.Вахит), Гөлбану — «Хуҗа Насретдин» (Н.Исәнбәт), Авдотья Васильевна — «Җимерелгән бәхет» (А.Островский), Сәлимә — «Әни килде» (Ш.Хөсәенов), Мөршидә — «Мин төш күрдем» (З.Хәким), Люция — «Баскетболист» (М.Гыйләҗев) һ.б.

Татарстанның хал. арт. — 1991 ел.