МӘСГУТОВ ИДРИС МӨДӘРРИС УЛЫ (ИДРИС МӘСГУДИ)

1948 елның 12 ноябрендә Чистай районы Гаделша авылында туа.

1974 елда Казан театр училищесын тәмамлагач, унике ел Әлмәт драма театрында эшли. 1986 елның декабреннән — Татар академия театры артисты. Үзенчәлекле рольләрдә уйный.

Г.Камал театрында уйнаган рольләре: Базарбай — «Ахырзаман» (Ч.Айтматов), Гарәп — «Таһир-Зөһрә» (Ф.Бурнаш), Ырыскол — «Ай тотылган төндә» (М.Кәрим), Каюм — «Ат карагы» (Т.Миңнуллин), Тархан — «Хуҗа Насретдин» (Н.Исәнбәт), Миңлебаев — «Су төбендә сөйгәнем» (З.Хәким), Поп — «Зөләйха», Шакирҗан — «Җан Баевич» (Г.Исхакый), Кыпчакгол — «Идегәй» (Ю.Сафиуллин), Хисан — «Җирән чичән һәм Карачәч сылу» (Н.Исәнбәт), Ислам — «Әни килде» (Ш.Хөсәенов), Бабич — «Урланган мәхәббәт» (И.Франко), Җиһанша — «Зәңгәр шәл» (К.Тинчурин) һ.б.

ТАССРның атказ. арт. — 1985 ел.