ҖӘЛӘЛОВ ХӘЛИМ БӘДРИ УЛЫ (ХӘЛИМ ҖӘЛӘЙ)

1940 елның 27 апрелендә Балык Бистәсе районы Олы Солтан авылында туа.

1965 елда Казан театр училищесын тәмамлый һәм Татар академия театрында эшли башлый. Ул төрле характерлы рольләр башкару остасы. Сәхнә образлары халыкчан, ихлас күңелле һәм бик табигый булулары белән аерылып торалар.

Аның рольләре: Сева — «Ата хакы — Тәңре хакы» (В.Лаврентьев), Шәкүр — «Диләфрүзгә дүрт кияү», Сәйхун — «Ат карагы», Тамада — «Илгизәр + Вера», Кыяметдин — «Без китәбез, сез каласыз» (Т.Миңнуллин), Шәрифҗан — «Җиргә тапшырылган серләр», Адаш — «Өч аршын җир» (А.Гыйләҗев), Ильяс — «Агыйдел» (М.Әмир), Рәшит — «Назлы кияү», Салих — «Казан сөлгесе» (К.Тинчурин), Гайфи — «Күк капусы ачылса», Гыймран — «Ике килен-килендәш» (Х.Вахит), Хөләй — «Һиҗрәт», Бикәмәт — «Зифа» (Н.Исәнбәт), Бригелла — «Болан-Патша» (К.Гоцци), Гыймади — «Зөләйха» (Г.Исхакый), Казыйхан — «Идегәй» (Ю.Сафиуллин), Ислам — «Артист-шоу» (Г.Кариев), Хәмзә — «Баскетболист» (М.Гыйләҗев) һ.б.

Татарстанның хал. арт. — 1992 ел.