ӘКБӘРОВА ФИРАЯ БАРЫЙ КЫЗЫ

1952 елның 2 июнендә Югары Ослан районы Кызыл Байрак авылында туа.

1974 елда Казан театр училищесын тәмамлый. Татар академия театрына кабул ителә. Ул күп вакыт балалар рольләрен уйный һәм алар эмоциональ, тормышчан сурәтләнәләр. Аннан тыш төрле характердагы олылар рольләрен дә башкара.

Аның рольләре: Пелагея — «Солдат хатыны» (Н.Анкилов), Катя — «Тәкәббер гашыйклар» (А.Кузнецов), Дорина — «Суган суфые» (Мольер), Гайниҗамал — «Банкрот» (Г.Камал), Үлмәс — «Боз астында дулкын» (Ә.-Т.Рахманкулов), Акбикә — «Таһир-Зөһрә» (Ф.Бурнаш), Гөлфия — «Дуслар җыелган җирдә», Дүрткүз — «Авыл эте Акбай» (Т.Миңнуллин), Гүзәлия — «Талак, талак» (Х.Вахит), Лелька — «Бер төн» (Б.Горбатов), Хәдичә — «Зәңгәр шәл» (К.Тинчурин), Фаина — «Булмас димә — дөнья бу» (А.Вампилов), Хәмидә — «Каениш», Мәхупҗамал — «Бүләк өчен» (Г.Камал) һ.б.

ТРның атказ. арт. — 1996 ел.