КАМАЛОВА ГӘҮҺӘР ГАБДУЛЛА КЫЗЫ

(1922–1990)

Ташкент шәһәрендә туа.

1949 елда ГИТИСны (Мәскәү театр институты) тәмамлый һәм Татар яшьләр театрында хезмәтен башлап җибәрә. 1950 елдан, бераз ара белән, Татар академия театрында эшли. Көчле драматик, комик һәм төрле характердагы образлар иҗат иткән актриса.

Аның рольләре: Полина — «Дошманнар» (М.Горький), Хәят — «Мәхәббәтең чын булса», Бибигайшә — «Ике килен-килендәш», Шәмсия — «Күк капусы ачылса» (Х.Вахит), Зөләйха — «Әни килде» (Ш.Хөсәенов), Ханзафа — «Ташкыннар» (Т.Гыйззәт), Галимә — «Яшь йөрәкләр» (Ф.Бурнаш), Нәгыймә — «Тирән тамырлар», Сабира — «Татар хатыны ниләр күрми» (Г.Ибраһимов), Гөлбану — «Назлы кияү» (К.Тинчурин), Фәүзия — «Әнә килә автомобиль» (Ф.Яруллин), Диаконисса — «Сукыр» (Э.Альт), Гашия — «Ир-егетләр» (Т.Миңнуллин), Әйшә — «Зифа» (Н.Исәнбәт), Камилә — «Кыз урлау» (М.Кәрим), Ләйлә — «Миркәй белән Айсылу» (Н.Исәнбәт) һ.б.

ТАССРның хал. арт. — 1976 ел.
РСФСРның атказ. арт. — 1983 ел.