КАМАЛ III (СӘЛАХЕТДИНОВ) КАМАЛ СИТДЫЙК УЛЫ

(1899–1968)

Әстерхан шәһәрендә туган.

1918 елда Әстерхан татар театрында эшли башлый. 1924 елның көзеннән Татар академия театрында.

Һавалы-романтик фигыльле төп яшь каһарманнарны уйнаган атаклы артист. Соңга таба өлкәннәр рольләрен уйный башлый.

Аның рольләре: Хәлил — «Галиябану» (М.Фәйзи), Герман — «Юлбасарлар» (Ф.Шиллер), Шаһзадә — «Таһир-Зөһрә» (Ф.Бурнаш), Хлестаков — «Ревизор» (Н.Гоголь), Тукай — «Тукай» (Ә.Фәйзи), Камил — «Камил» (Г.Кутуй), Ногман — «Мактаулы заман» (Т.Гыйззәт), Сергей — «Безнең шәһәр егете», Сабуров — «Көннәр һәм төннәр» (К.Симонов), Максимов — «Диңгездәгеләр өчен» (Б.Лавренев), Хәмит — «Беренче чәчәкләр» (К.Тинчурин), Мәхмүт — «Козгыннар оясында» (Ш.Камал), Вахитов — «Мулланур Вахитов» (Н.Исәнбәт), Чибисов — «Мылтыклы кеше» (Н.Погодин), Отелло — «Отелло», Ромео — «Ромео һәм Джульетта» (В.Шекспир), Фердинанд — «Мәкер вә мәхәббәт» (Ф.Шиллер), Теодоро — «Печән өстендәге эт» (Лопе де Вега), Жадов — «Төшемле урын», Незнамов — «Гаепсездән гаеплеләр» (А.Островский), Черкун — «Варварлар» (М.Горький), Сәлим — «Беренче мәхәббәт» (Х.Вахит), Шәмгун — «Рәүфә» (Ә.Фәйзи), Әскәр — «Наемщик», Гаяз — «Чаткылар» (Т.Гыйззәт), Гәрәй — «Рәйхан» (Н.Исәнбәт) һ.б.

РСФСРның хал. арт. — 1957 ел.