ИБРАҺИМОВА ГАЛИМӘ ВАФА КЫЗЫ

(1909–1984)

Тәкәнеш (Мамадыш) районы Яңа Шандир авылында туа.

1929 елда Татар театр техникумын, 1932 елда Мәскәүдәге театр институтын (ЦЕТЕТИС) тәмамлый һәм Татар академия театрында эшли башлый. Нечкә хисле лирик пландагы төп рольләрне якты, шигъри нурларга төреп бирә белгән гүзәл актриса. Соңгы елларда фаҗигале язмышка дучар булган драматик образлар иҗат итте.

Аның рольләре: Луиза — «Мәкер вә мәхәббәт» (Ф.Шиллер), Дездемона — «Отелло», Корделия — «Король Лир» (В.Шекспир), Катерина — «Яшенле яңгыр», Полина — «Төшемле урын», Михеевна — «Соңгы корбан» (А.Островский), Фатыйма — «Тормыш җыры» (М.Әмир), Горелова — «Диңгездәгеләр өчен» (Б.Лавренев), Зөһрә — «Мулланур Вахитов» (Н.Исәнбәт), Хафиза — «Ефәк сөзәнә» (А.Каххар), Ана — «Гүзәлем Әсәл» (Ч.Айтматов), Туктабикә — «Кыз урлау» (М.Кәрим), Җәүһәрия — «Зөбәйдә — адәм баласы», Ана — «Әни килде» (Ш.Хөсәенов), Мәрхәбә — «Татар хатыны ниләр күрми» (Г.Ибраһимов) һ.б.

ТАССРның хал. арт. –1957 ел.
РСФСРның атказ. арт. — 1971 ел.