ХӘЙРУЛЛИНА АСИЯ ХӘСӘН КЫЗЫ

(1921–2004)

1949 елда Мәскәүдә театр институтын тәмамлый (ГИТИС) һәм Татар яшьләр театрында эшли. 1950 елдан Татар академия театрында эшли башлый. 1970 нче еллар уртасыннан Казан театр училищесында укыта.

Артистка буларак балалар һәм төрле характердагы образлар иҗат итә.

Аның рольләре: Садрый — «Галиябану» (М.Фәйзи), Миңлеәхмәт — «Миңлекамал» (М.Әмир), Идел — «Зифа», Сәхилә — «Хуҗа Насретдин», Рокыя — «Җилкәнсезләр» (К.Тинчурин), Гүзәл — «Рәхим итегез!», Бибиәсма — «Кайда соң син?» (Х.Вахит), Екатерина — «Яшь йөрәкләр» (Ф.Бурнаш), Галимә — «Тормыш җыры» (М.Әмир), Зөлкагыйдә — «Кыю кызлар» (Т.Гыйззәт) һ.б.

Г.Тукай исемендәге Дәүләт премиясе лауреаты — 1958 ел.
Татарстанның атказ. сәнг. эшл. — 1992 ел.