ГОБӘЙДУЛЛИН ӘНВӘР ГАБДРАХМАН УЛЫ

1922 елның 18 октябрендә Казан шәһәрендә туа.

1940–1946 елларда 16 нчы заводта фрезеровщик булып эшли. 1948 елда Г.Камал театры каршындагы студияне тәмамлый һәм Татар академия театрына кабул ителә. 1991 елның сентябреннән — «Инсаният» труппасында. Төрле хасияттәге истә калырлык, тормышчан сәхнә образлары иҗат итүе белән аерылып тора.

Аның рольләре: Питрәй — «Зәңгәр шәл», Сираҗи — «Сүнгән йолдызлар», Сәлим — «Американ» (К.Тинчурин), Ахун — «Хуҗа Насретдин», Габделвәли — «Гөлҗамал», Хәлдрифүн — «Җирән чичән белән Карачәч сылу» (Н.Исәнбәт), Шәрәфи — «Акчарлаклар» (Ш.Камал), Тукаш — «Кол Гали» (Н.Фәттах), Кадыйр — «Әнә килә автомобиль» (Ф.Яруллин), Гарәфи — «Банкрот» (Г.Камал), Василий — «Котырган акчалар», Ильич — «Җимерелгән бәхет» (А.Островский), Исак — «Яшь йөрәкләр» (Ф.Бурнаш), Закир — «Тормыш җыры» (М.Әмир), Пологий — «Дошманнар» (М.Горький), Дәрвиш — «Идегәй» (Ю.Сафиуллин), Гафур — «Үзебез сайлаган язмыш» (Т.Миңнуллин), Галәүтдин — «Күрәзәче» (З.Хәким) һ.б.

ТАССРның хал. арт. — 1983 ел.